Lengi vel heldust í hendur verð á pylsu með öllu og strætófargjald.  Núna kostar pylsan 320 kr. en strætó 350 kr.  Pylsan hefur reyndar nýverið hækkað í verði.  Matur hækkar víst líka eins og eldsneyti.

Hugsa samt að Íslendingar myndu mun fyrr hætta að ferðast með strætó en að neita sér um eina á Bæjarinz Beztu niður í miðbæ.  Fastur punktur í lífi margra höfuðborgarbúa.

Get ekki sagt að það sé sami sjarminn að kjamsa á pylsu í verslunarmiðstöðvum og niður í miðbæ.  Vantar sjávarniðinn og fuglana flögrandi í kring í leit að brauði.  Svo er hálf stemningin að hanga helfrosinn í röðinni og röfla við nærstadda.