Lögreglustjóri og aum ambátt auðvaldsins fyrir norðan boðar fjóra aðila af blaðamannastétt í yfirheyrslu með stöðu sakbornings. Hversu lágt er hægt að leggjast! Eins og við sjáum ekki í gegnum þetta! Að þagga eigi i fjölmiðlum.

15 lögfræðingar Rauða Krossins fá reisupassann. Enn erfiðara verður fyrir flóttafólk að fá fyrirgreiðslu og þá þjónustu sem þau eiga rétt á. Verða sennilega bara send beint héðan frá flugvellinum við komuna til landsins.

Fjármálaráðherra (forsætisráðherra) finnst ekkert að því að fjölmiðlar séu kallaðir til yfirheyrslu eins og aðrir þrátt fyrir að þeir séu verndaðir fyrir slíkum ofsóknum samkvæmt lögum. Fasismi anyone?

Annað kjörtímabil þessa óheilaga sambands vinstri og hægri er varla hafið og íhaldið lætur til skarar skríða af fullum krafti með öll sín dekurmál. Vitandi að Katrín Jakobs og félagar munu halda kjafti til að halda í ráðherrastólana næstu fjögur árin.

Þetta er viðbjóðslegt samfélag og ég er mikið að pæla í að koma mér héðan við fyrsta tækifæri.

Frá því fyrir síðustu helgi og langt fram eftir þessari viku hef ég setið á könnunni eins og Keith Richards í heróíntrippi með pípandi niðurgang. Afleiðingar þess að éta grillaðan kjúkling úr matvöruverslun. Aldrei aftur!

Virðist eitthvað vera að skána. Þarf ekki lengur að hlaupa á salernið og kemst á milli staða án slysa. Sem er gott. Þvílíkir kviðverkir sem ég hef þurft að þola og með gjörsamlega ónýta salernisskál sem ég loksins fékk að mér að þrífa rétt áðan.

Hef einnig gert upp á bak mér í samskiptum við ættingja. Verið með dólg og leiðindi að óþörfu. Líkt eftir föður mínum heitnum með krepptan hnefa á lofti í stað útréttar sáttahandar. Lágmark að læra af mistökum foreldra sinna.

Ég biðst fyrirgefningar.

Fimmti í ræpu. Heilsugæslan segir að þetta eigi að lagast á viku. Annars þarf að skoða dæmið betur. Koma með sýni og jafnvel fá sýklalyf. Á að forðast matargerð fyrir aðra og fara í sleik.

Hafði samband við Nettó sem tóku væli mínu bara vel og viðurkenndu að hafa fengið kjúkling í lélegum gæðum frá birgja sem þau neituðu að elda og sendu til baka. Að verið gæti að einhverjir slæmir fuglar úr næstu sendingu hafi sloppið framhjá eftirlitinu inn í ofn. Eru núna að fara yfir allt ferlið. Ætla að láta mig vita.

Vonandi lagast þetta helvíti. Ömurlegt að vera aumingi með ónýtt rassgat.