Ekki kaupa grillaðan kjúkling út í matvöruverslun stjórnað af unglingum. Hef verið með niðurgang frá því fyrir helgi. Þetta drasl er alls ekki nógu vel eldað. Ætla aldrei aftur að versla í Nettó!

Féll í pyttinn i gær og tjáði mig í athugasemdarkerfi um Ingó veðurguð. Hvers vegna get ég ekki haldið kjafti! Hvað kemur mér við einhver sorglegur og miðaldra söngvari sem hangir í bíl sínum fyrir utan félagsmiðstöðvar eftir eigin tónleika í von um að lokka einhverja stúlku úr tíunda bekk með sér heim.

Fékk vissulega mörg góð læk frá fólki sama sinnis. Sem finnst svona hegðun gagnvart unglingum ámælisverð rétt eins og mér. En þarna spruttu líka upp kallakallar sem vildu meina að Ingó væri topp náungi og frábær gaur. Skilja ekki að það er hægt að vera hvort tveggja; frábær gaur og barnafíkill.

Sorglegast fannst mér þó að sjá fjölskyldumynd eins kallakallsins í bakgrunni. Eiginkona, sonur og tvær dætur á unglingsaldri. Varla vill hann að Ingó bjóði þeim far heim eftir tónleika!

Oftar en ekki hafa sótt á mig svartir hundar í byrjun nýs árs. Svartnætti og vonleysi í mesta myrkrinu. Hef hringt mig inn veikan og lagst í rúmið. Vorkennt sjálfum mér alveg svakalega.

En ekki núna einhverra hluta vegna. Kannski er inntöku D-vítamíns að þakka. Kannski vegna þess að það er bara svo miklu betra að þræla sér til vinnu heldur en að liggja í rúminu. Hitta annað fólk og láta af sjálfsvorkunn.