Aldrei er hægt að treysta á Dani. Léku seinni hálfleikinn eins og hálfvitar upp í hendur Frakka svo þeir þyrftu ekki að mæta okkur aftur og mögulega tapa. Vita að þeir þurfa ekki að hafa neinar áhyggjur af Frökkum. Þeim er auðmútað fyrir séns í úrslitunum.

Reiknilíkanið er farið í gang. Sóttkvíin út á miðnætti og allir smitandi krakkaskítarnir mæta í skólann í fyrramálið. 2000 smit fyrir helgi. 2500 eftir helgi þegar létt verður á samkomutakmörkunum. Fáum um frjálst höfuð að strjúka eitthvað út febrúar. Öllu skellt aftur í lás í mars og fram eftir vori. Opnað aftur í júlí. Lok, lok og læs í ágúst. Sagan endalausa.

Afléttingaráætlun stjórnvalda birt á föstudaginn kemur. Verður áhugavert að sjá hvort að farið verður eftir sóttvarnalækni með hægum afléttingum eða Bjarna Ben. og allt draslið opnað. Skiptir svo sem engu. Ekki eins og að talið sé inn í búðir í núverandi takmörkunum eða gengið eftir að fólk beri grímur.

Strætóbílstjórar eru grímulausir og flestir unglingar og börn í vögnunum hóstandi yfir mann. Fólki er drull og ekkert eftirlit er nema með börunum. Að þar séu nú ekki of margir að lyfta glasi og hanga of lengi við djammið. Fáranlegt!

Enda verður það kvöl og pína fyrir bareigendur að fá aftur að hafa opið fram eftir nóttu án fjöldatakmarkana. Lögreglan og sóttvarnayfirvöld vilja ekki skila aftur rekstrarréttindum þeim sem vertarnir nutu fyrir Covid-19. Það er víst ljótt að drekka, dansa og daðra fram á nótt.

Hvert sem litið er falla gamir typpakallar fyrir #metoo2. Áður voru þeir hylltir sem hetjur fyrir að skaufa ungar konur óumbeðið og komast upp með hverskyns dónaskap með vinum sínum í sumarbústöðum og á hótelherbergjum. Fengu að ríða óhindrað um héruð án athugasemda.

Núna missa þeir feit störf og neyðast til að biðjast afsökunar í von um endurkomu í samfélag siðaðs fólks. Áður fengu þeir að hópnauðga í friði. Hvert er heimurinn eiginlega að fara!

Þorri fólks hefur ákveðið að hætta að kóa með þeim. Hefur ákveðið að trúa og styðja fórnarlömb þeirra í staðinn. Þótt fyrr hefði verið! Farið hefur fé betra!