Einhverjr ferðamenn báru með sér Delta-afbrigði til landsins þrátt fyrir vottorð. Djamma á Bankastræti Club. Smita starfsmann sem er svo kennt um allt saman. Lokum landinu á ný. Skellum öllu í lás. Eehh, nei!

Á morgun verður okkur hótað fjöldatakmörkunum á ný. Bara út af þessum óskönnuðu ferðamönnum. Gangi þér vel með það sóttvarnalæknir Þórólfur. Ekki dirfast að reyna hafa af okkur hátíðir síðsumarsins vegna nokkurra smita.

Við erum hætt að hlusta og hlýða. Enda bólusett bak og fyrir með vottorð upp á vasann. Búin með sextán mánaða leiðindi, boð, bönn og takmarkanir. Nennum þessu ekki lengur. Láttu okkur í friði.

Margnefndur giljagaur með blæti fyrir ungum stúlkum hefur ráðið sér ref úr endaþarmi íslenskrar lögmennsku sem slapp í gegnum laganám þrátt fyrir orðréttan ritstuld sem fyllti þriðjung lokaritgerðar hans og algjörlega án þess að geta heimilda. Enda virðast einu verkefnin sem hann fær að verja meinta dónakalla og kreista út bætur handa þeim.

Fékk nett kvíðakast í gær þegar ljóst var að þessi hrokagikkur, sem finnur enga sök hjá sjálfum sér, væri búinn að ráða lagaref og heimtar afsökunarbeiðni og málsbætur upp á þrjár milljónir á kjaft frá þeim sem tjáð hafa sig um mál hans.

Hef ekki enn fengið afhenta stefnu svo að kannski er ég sloppinn. Annars hef ég bara samband við milljarðamæringinn góða sem býðst til að greiða allan lögfræðikostnað og miskabætur þeirra sem lenda í málsókn giljagaurs og lagarefs.

Læknisviðtal síðastliðinn fimmtudag í Glæsibæ. Nýtt hús. Aldrei farið þar inn áður. Mættur tímanlega. Allar útgönguleiðir kannaðar áður en ég hætti mér inn. Brunastigar staðfestir. Þá fyrst stigið inn í lyftu upp á þriðju hæð til að mæta örlögum mínum.

Sama ferlið í strætó. Sest sem fjærst öllum öðrum farþegum. Aldrei við hliðina eða fyrir framan eða aftan við einhvern. Alltaf bil á milli. Og frekar sest í sæti við ganginn frekar en gluggann.

Gangandi vegfarandi mætir mér hægra meginn gangstígarins. Ég fer í kerfi. Færi mig kurteisislega til vinstri. Forðast átök eins og heitan eldinn. Auðvitað ætti ég að skalla viðkomandi í stað þess að víkja af leið.

Ekkert af þessu er í lagi. En svona er nú einu sinni blessuð félagsfælnin.