Rúmenskir þjófar fá að fara inn í landið án athugasemda fyrir utan að þurfa að fara í sóttkví…sem þeir auðvitað brjóta. Enginn fjölmiðill spyr yfirvöld hvernig í andskotanum þetta gat gerst.

Flestir þessara þjófa frá Rúmeníu eru greindir með Covid við handtökuna. Í kjölfarið neyðast fjöldi lögreglumanna að fara í sóttkví. Guð einn veit hve marga aðra þessir andskotar hafa smitað á ránsferðum sínum um landið.

Varla gátu þeir logið sig inn í landið sem ferðamenn. Einhverjir gaurar frá landi sem er þekkt fyrir að senda þjófagengi til annarra landa?

Opnun landsins í fyrramálið á eftir að fara til andskotans!

Bandaríkin hafa aldrei verið vagga frelsis og lýðræðis. Það er bara ímynd þeirra. Rétt eins og að Sjálftæðisflokkurinn standi fyrir einstaklingsfrelsi.

Bandaríkin færðust inn í fasisma í lok þrælastríðsins með sigri Norðurríkjanna. Ríki hert í eldi, ofbeldi og dauða bræðra og systra. Við tóku frekari landvinningar og villta vestrið með drápum á innfæddum. Frelsi í orði en ekki á borði fyrir þeldökka. Landi rænt af þeim sem voru þar fyrir.

Að Barack Obama hafi náð að verða forseti þessa ríkis er rannsóknarefni sagnfræðinga framtíðarinnar. Eflaust tókst honum það vegna þess að ungt og frjálslynt fólk flykktist á kjörstaði og styrkti framboðið í gegnum netið.

Joe Biden verður að fá konu og helst þeldökka eða af suður-amerískum ættum sem varaforsetaefni sitt. Virkja unga fólkið sem annars nennir ekki að skrá sig og mæta á kjörstað. Annars á hann ekki möguleika á að velta þessum heimska okra úr embætti.

Ef fíflið Trump verður endurkosinn, þá er úti um þá lýðræðistilraun sem bandaríki norður-ameríku hafa verið síðastliðin 250 ár. Þá hefst seinni borgarastyrjöldin milli frjálslyndra, íhaldssamra, hvítra og litaðra. Ríkjasambandið verður leyst upp og ríkin fá sjálf að móta sína framtíð eftir vilja íbúanna.

Sjálfur er ég ekki laus við fordóma þrátt fyrir að telja mig frekar frjálslyndan. Ekkert okkar er laust við fordóma. En þeir fordómar mega ekki verða til þess að samfélagið leysist upp í ofbeldi og óstjórn.

Fordómar eru sprottnir út frá fákunnáttu og hræðslu. Menntum og drögum úr ótta. Kynnum okkur innflytjendur. Kynnumst hvort öðru.

Vaknaði í gærmorgun með Covid-19. Eða svo hélt ég. Allur lurkum laminn með þurran hósta, andnauð, hausverk og verki um allan líkamann.

Var við það að tilkynna grun minn og leggjast í fjórtán daga sóttkví þegar minnið fór í gang. Hafði verið að vinna upp fyrir mig vikuna áður og sniffa lím við álímingu á öskjur. Líkaminn er sennilega að vinna úr þeirri reynslu.

Hef áður lent í svona í öðrum störfum. Fékk til dæmis svipuð einkenni þegar ég var að raða upp parketlistum daglangt á lager Húsasmiðjunnar. Gat ekki andað daginn eftir en skánaði þegar kvölda tók.

Hefur eflaust eitthvað að gera með ístruna framan á mér. Og skort á hreyfingu og styrktarþjálfun. Veit alveg hvað þarf að gera en geri það samt ekki. Manneskjan er ekki skynsemisvera.