Mér leiðast raðir. Stend helst ekki í þeim nema af illri nauðsyn. Því eru sjálfafgreiðslukassar matvörubúðanna mínir bestu vinir. Sjaldnast langar raðir í þá…enn þá.

Dröslast vanalega í hádeginu í Bónus fyrir ofan safnið eftir einhverri sveittri Sómaloku. Nenni auðvitað ekki að koma með nesti. Þá er gott að hafa verslun svona nálægt.

Eftir að hafa þrætt sjoppuna í gegnum ótal ferðamenn og fávita, þá rýk ég vanalega á næsta sjálfsafgreiðslukassa. Meika ekki gamalmennaröðina við almenna kassann.

Tel mig vera orðinn nokkuð vel skólaðan í sjálfvirkninni og frábið mér því vanalega aðstoð Rússans sem gefur sig stundum á tal við okkur viðskiptavinina milli þess sem hann andar niður hálsmál unglingsstúlkurnar sem er að reyna afgreiða gamalmennin.

Ljótt að segja frá því en ég þoli þennan gaur engan veginn. Hann hangir á öxlinni á mér eins og ég sé einhver þjófur. Um daginn fór hann að fikta í kassanum meðan ég var að skanna vörurnar. Andskotinn heyrði víst ekki nógu vel pípið og hækkaði hljóðið.

Er að skapi næst að skalla hann en geri það auðvitað ekki því ég leyfi flestum fávitum að vaða yfir mig á skítugum skónum. Ætti kannski að breyta því.

Að komast í lokakeppnina og ná tíunda sæti er býsna góður árangur. Eitthvað sem jarmið hans Friðriks Ómars hefði aldrei meikað.

Enn betra að sýna borða með fána Palenstínu þegar linsan lendir á þeim í kjölfar stigagjafar almennings. Svo kom einhver arabískur öryggisvörður og hirti af þeim borðann. Aldrei má ekki neitt.

Verður bara fínt ef refsingin frá þessum asnalega Jon Ola Sand verður að meina Íslandi þátttöku að ári. Sparar RÚV böns of monní. Og er vel þess virði.

Það þaggar enginn niður í Íslendingum.

Af hverju eru karlkyns þingmenn að fjalla um þungunarrof eins og það komi þeim eitthvað við? Af hverju eru afturhaldskurfar eins og Ásmundur Friðriksson og Birgir Þórarinsson að tjá sig um líkama kvenna? Veifandi barnatrú sinni og Biblíunni. Miðaldra karlar með enga vitneskju um meðgöngu og barneignir. Um svona mál ættu bara konur að fá að kjósa!