Íslenskt fulltrúalýðræði er ömurlegt!  Ég heimta BEINT lýðræði í gegnum netið! Hvernig má það vera að ein nefnd getur svæft mál sem talið er geta komist í gegnum þingið á meirihluta?  Þetta er fasismi!

Einhver kommabelja í ónefndri nefnd hrósar sigri í fjölmiðlum því afturhaldsamur meirihluti hennar sé á móti því að sala á áfengi verði gefin frjáls.  Því muni frumvarpið deyja þar og aldrei koma til kasta þingsins.  Lengi lifi lýðræðið!

Af hverju erum við að kjósa Þegar ástandið er slíkt að þingmenn berja sér á brjóst fyrir að koma í veg fyrir lýðræðislegar kosningar um mál innan þingsins? Bara vegna þess að þeir (lesist: hún) eru kommar frá Helvíti sem eru á móti öllum þjóðþrifamálum.

Ég er hættur að kjósa!  Það er algjörlega tilgangslaust!  Breytir engu þó frjálslyndir flokkar séu við stjórn.  Hagsmunir þröngsýnna ráða ætíð för í gegnum nefndarstörf.

Cavatina The Shadows hljómaði í kringum sex á sunnudögum þegar hugvekjan hófst í Ríkissjónvarpinu.  Lambalærið stundi lágt í ofninum og beið þess að vera neytt með brúnuðum kartöflum og með því.

Einkavinavæddur náttúrupassi er á leiðinni frá iðnaðarráðherra til okkar sem kjósum að skoða landið okkar. Nú skulum við greiða 1.500 kall fyrir að líta Þingvelli augum í sjóð einkavina iðnaðarráðherra. Allt undir því yfirskyni að byggja eigi upp aðstöðu téðs ferðamannastaðar.

Þegar einkennisklæddur rukkari nálgast mig á Þingvöllum og falast eftir að selja mér náttúrupassa, þá mun ég segja „nei takk“ og neita að gefa upp nafn. Hvað getur viðkomandi gert? Handtekið mig? Leitað á mér til að finna skilríki. Skellt á mig sekt upp á 15.000 krónur? Hér er viss ómöguleiki á ferð eins og Bjarni Ben. orðar það. Ekkert okkar mun gefa upp nafn. Náttúrupassinn er lífvana fæddur.