Sem nemi í sagnfræði án gráðu, þá er ég hættur að undrast á gjörðum mannkynsins. Raunveruleikinn reynist alltaf vera ótrúlegri en skáldskapurinn. Mannkynið virðist einbeitt í að tortíma sjálfu sér samkvæmt eigin vilja. Bara af því að þau geta það.

Vonandi verður appelsínugula forsetagerpið þroskaðri núna en í fyrri forsetatíð. Efast samt um það. Ef þú ert ekki búinn að taka út fullan þroska um sjötugt, þá er nú varla mikil von fyrir þig.

Og miðað við fullyrðingar hans og loforð í kosningabaráttunni, þá megum við búast við að lýðræðið verði tekið af lífi og einræði komið á þar sem Trump fjölskyldan verður að erfðaveldi.

Konur geta pakkað saman og flutt til Kanada. Þeirra réttindi verða ekki virt í Ameríku Trump. Innflytjendur verða réttdræpir. Demókratar neyðast til að flýja til fjalla.

Heimsbyggðin á auðvitað að sýna Bandaríkjunum fingurinn fyrir að vera svona miklir fávitar. Að kjósa yfir sig slíkan trúð í annað sinn réttlætir að önnur vestræn lýðræðisríki hunsi Bandaríkin næstu fjögur árin.

Fyrir átta árum fór ég að sofa þess fullviss að Hillary Clinton myndi merja kosningarnar. Vaknaði svo við vondan draum með trúðinn Donald sem Bandaríkjaforseta. Hef illan grun um að svo verði líka núna. Þessari þjóð er ekki viðbjargandi.

Auk þess er mér orðið skítsama. Fulltrúalýðræðið hefur ekki skilað heiminum neinu nema tómum leiðindum. Af hverju getum við ekki tekið upp beint lýðæði með alla okkar tækni! Af því að það hentar ekki ráðandi stéttum.

Auðvitað ætti bara að koma því þannig við að þegnar á kosningaaldri myndu fá að kjósa beint heiman frá sér um hin ýmsu álitamál einu sinni í viku. Fá aðgang að öllum skjölum og sjónarmiðum. Dulkóðaðan aðgang með hæsta öryggisstaðal. Þegnskylda í verki.

Hvernig getur það kallast lýðræði þegar formenn allra kjörstjórna eru skipaðir af dómsmálaráðherra Sjálfstæðisflokksins! Sumir þeirra læðast jafnvel aftur í skjóli nætur inn í talningarherbergið til að stokka atkvæðum í þágu flokks og æskuvina (Borgarnes 2021). Hvernig telst líka atkvæði manns tryggt þegar að flest talningarfólkið er með flokksskírteini fjórflokksins upp á vasann!

Ég mun sitja heima í næstu þingkosningum. Annað væri bara tímasóun. Fulltrúalýðræðið er dautt!

https://www.visir.is/g/20242644757d/segja-adra-kaupa-gervi-spilanir-til-ad-hafa-a-hrif-a-ved-mal

Prettyboitjokko og HúbbaBúbba kalla sig víst tónlistarmenn.

Come on! Ekki einu sinni reyna þetta! Þið eruð bara vælandi aumingjar í autotune sem kunnið hvorki á hljóðfæri né að syngja. Og öll lögin hljóma nákvæmlega eins með mismunandi óskiljanlegum textum.

SORP!