Laugardagur. Leið 12 frá Lækjargötu upp í Laugarnes.

Við Hlemm storma fjórir spænskumælandi delar inn í vagninn og hlamma sér aftast. Þétt upp við móður og unga dóttur á leið upp í Laugardalslaug og unglingsstúlku í svipuðum erindagjörðum.

Nota bene. Vagninn var frekar tómur og fullt af sætum framar í vagninum. En, nei. Betra að nudda sér frekar utan í konur aftast í vagninum sem vilja fá að vera í friði.

Þegar ég stökk úr vagninum á Laugarnesvegi, þá hafði unglingsstúlkan gefist upp á áreitinu og komið sér fyrir standandi við útganginn og var í símanum við móður sína í sjokki.

Hér er ein af mörgum ástæðum þess að fólk megnar ekki lengur almenningssamgöngur.

Merkilegt, en er í raun virkilega sorglegt, að fullorðnum manni fyrirgefist svo auðveldlega að hafa lokkað börn til fylgislags við sig í krafti frægðar sem boltasparkari og gítarglamrari. Áfengisneyslan telst ekki sem afsökun.

Hvers konar geðveiki var það að honum leyfðist að ríða/nauðga 15-17 ára börnum sem sjálf máttu/mega hvorki skoða klám né kjósa? Og voru/eru ekki einu sinni fjárráða! – Samræmum landslög svo svona dónadurgar komist ekki lengur upp með að herja á æsku landsins án afleiðinga og aðkomu dómstóla.

Og hættið að kóa með og láta eins og gerandinn sé fórnarlambið! Hann vissi alveg hvað hann var að gera. Og þið vitið það einnig sjálf. Yrðuð þið sátt við svona framkomu gagnvart dætrum ykkar!

Bíddu! Ódýrar líkkistur fyrir brennslu. Nei, það má ekki gerast. Þá tapa ég:

https://www.visir.is/g/20232387435d/lik-kistu-sala-doms-mala-rad-herra-ekki-i-hags-muna-skraningu-hans

Ekkert rými fyrir samkeppni ef hún snertir ráðherra ríkisstjórnarinnar. Hann á greinilega ekki brugghús fyrst að þau fengu aukið frelsi af hans hendi.