Einhver „afi feiti“ leikur lausum hala í Kórahverfi í Kópavogi og tælir til sín unga drengi með nammi og teiknimyndum. Guð má vita hvað þetta gerpi hefur gert á hlut drengjanna.

Nú halda líklega flestir að „afi“ sé eldri maður, jafnvel kominn á eftirlaun. Ef til vill, en getur ekki verið að hann sé í kringum fertugt með grátt hár? Allir eru gamlir í augum ungra barna. Væri ekki ráð að kasta víðara neti og gera ráð fyrir að óþverrinn sé á milli fertugs og sjötugs?

Við Íslendingar elskum greinilega að láta ríða okkur í ósmurðan afturendann. Þess vegna kusum við aftur yfir okkur hrunflokkana út á veika von um skuldaleiðréttingu húsnæðislána sem núna virðist vera á leiðinni til andskotans. Nákvæmlega eins og umsjónarmaður leiðréttingarnar, Tryggvi Þór Herbertsson, vildi alltaf.

Þrautsegja þjóðarinnar dugði ekki í fjögur ár til viðbótar með vinstriflokkunum. Fólk klæjaði að fara eyða aftur með lánsfé spilltra banka. Kaupa sér Range Rover og sumarhús út á krít. „Eignast“ eitthvað fyrir næsta óhjákvæmlega hrun.

Leikkona ritar grein á http://kvennabladid.is/2014/10/17/minningar-um-ofbeldissamband/ Stelpa hvers ímynd gaf út á sínum tíma að lifði eðlilegu og hamingjusömu lífi með einhverjum sem umvafði hana ást. Því fór fjarri lagi! Sambýlismaður hennar var stakur ræfill og aumingi. Gekk í skrokk á henni og kúgaði andlega.

Er svo sammála henni að lögreglan eigi að kæra svona menn til saka. Á ekki að vera undir fórnarlambinu komið. Nóg hefur viðkomandi þolað án þess að neyðast til að hefja málarekstur á hendur kvalara sínum. Svona menn á kerfið að taka úr umferð án tafar. Senda í sálfræðimeðferð sjálfum sér og öðrum til hagsbótar.

En nei, svona gaurar fá að valsa frjálsir um eins og greifar og valda sárskauka hvar sem þeir koma. Eru jafnvel taldir stök karlmenni af sumum kynbræðrum sínum fyrir andlega kúgun sína á konum sínum. Taldir „alvöru“ menn sem stýra lífi sínu og láta engar kellingar segja sér fyrir verkum.