Kringum níu eða tíu ára aldurinn þurfti eitt okkar úr bekknum að taka niður pantanir, miða og fé eina viku í senn og fara til gangavarðar sem kunni ekki að reikna og sækja safa og jógúrt fyrir kaffitímann.

Ég kom alltaf út í gróða þrátt fyrir að greiða bekkjarfélögum mínum rétt til baka. Fékk hálfgert samviskubit vegna konunnar sem afgreiddi mig. Lenti hún ekki í vandræðum við uppgjörið?

Endurnýjuð og nafnlaus bloggsíða svo ég verði ekki tengdur strax við starf mitt við fyrsta lestur. Fékk bágt fyrir slíkt áður og var tekinn á teppið eftir ábendingar og kvartanir úr ýmsum áttum.

Auk þess fór sumt sem ég birti fyrir brjóstið á sama fólki sem er frekar viðkvæmt og mun betri manneskjur en ég. Neyðist til að taka tillit til þeirra og bíta í tunguna á mér og slá á puttana á mér þegar púkinn hleypur í mig til að tala tæpitungulaustl

Stundum á laugardögum rétt fyrir hádegi næ ég að panta tvær með hráum, sinnep og remúlaði. Rétt á milli hópa af erlendum ferðamönnum hvers leiðsögumenn kynna pylsuvagninn sem vinsælasta veitingastað borgarinnar.