Bíð spenntur eftir lögbanni á fréttir af Samherja frá Héraðsdómi Reykjavíkur og svo Landsrétti í kjölfarið. Bannaðar fréttir frá einhverjum flokksgæðingnum sem verður sendur út af örkinni. Sannleikurinn má ekki koma í ljós. Hann verður að liggja áfram undir þagnarskyldi. Samherji á jú Ísland með húð og hári.

Allir að gleypa sömu æluna. Jafnvel Katrín Jakobsdóttir forsætisráðherra sem núna kannast ekki við nein hagsmunaöfl í þjóffélaginu og fordæmir ekki lengur hernaðaraðgerðir Ísraela gegn Palestínu. Sama stjórnarsamstarf mun halda áfram eftir næstu kosningar. Sama hvað. Framsókn töltir svo hlýðin með.

Helmingur þjóðarinnar er fífl. Trúir því að atkvæði með Sjálfgræðgisflokknum tákni frelsi og með Vinstri-Vænum tákni félagslegar umbætur. Þvílíkt kjaftæði! Þetta er sitthvor endinn á sama afturhaldsflokknum sem myndar hring.

Eftir tveggja ára hlé horfði ég á Eurovision og fylgdist með twitter um leið. Allar konurnar vildu sænga hjá ítölsku keppendunum og sumar líka með hálfdönsku stelpunni. Þess vegna unnu þau. Lagið var prump og æla. Búningunum stolið frá Glanna glæp og söngvarinn neytti sennilega kókaíns í beinni en þvi var sópað undir teppið umsvifalaust.

Kannski er símakosningin ekki svo góð hugmynd! Sauðdrukkin Evrópa með snjallsíma í annarri og eitthvað gruggugt í hinni. Margir engir aðdáendur keppninnar sem kjósa annað hvort rokklag keppninnar til að sýna henni fingurinn. Limp Bizkit hefði alveg eins getað unnið.

Held að við Íslendingar ættum að láta gott heita. Þakka Daða og Gagnamagninu fyrir fjórða sætið. Og svo slíta okkur frá þessari keppni. Þetta er algjör vitleysa og peningasóun.

Slæddist niður í Kolaport í gær eftir svartfuglseggjum fyrir mömmu. Nóg til og önnur sending væntanleg fyrir næstu helgi. Áður fór ég bara í Nóatún í Austurveri sem nú er orðin Krónan.

Get svarið það að bærinn hafði lifnað við. Varla þverfótað fyrir bandarískum og grímulausum túristum með myndavélar á ístrunni. Tók sjálfur ekki grímuna niður þrátt fyrir báðar sprautur af Pfizer.

Treysti ekki þessum bandarísku reglum að fullbólusettir megi vera án grímu. Þessar reglur gilda ekki hérlendis, en bandarískar frekjur halda að þeirra reglur gildi allstaðar um heiminn. Var í skapi næst að kýla einn ístrubelginn fyrir að frussa yfir mig þar sem ég beið eftir strætó heim.

Þetta á bara eftir að enda illa.