Djöfulsins viðbjóður sem kosningabaráttan virðist ætla að verða.  Ekki vegna frambjóðendanna, heldur stuðningsfólks þeirra tveggja efstu í skoðanakönnunum.

Hatrið hreinlega lekur af hverju orði sem þetta lið ælir út úr sér á netinu.  Sérstaklega á ummælakerfi dv.is.  Heykvíslar og kyndlar.

Málið snýst ekki lengur um persónur frambjóðenda, heldur hvar í pólítík þau stóðu eða standa núna.  Og hvernig þau munu mögulega beita 26. grein stjórnarskrárinnar.  Hvort þau séu Evrópusinnar eða andstæðingar aðildar.

Mér er eiginlega orðið andskotans sama hver vermir forsetastólinn næstu fjögur árin.  Væri sennilega ódýrast að sleppa kosningum í framtíðinni og leyfa Ólafi greyinu að halda embættinu til dauðadags.  Því að hann á eftir að endurtaka leikinn eftir fjögur ár og hætta við að hætta.  Nenni ekki á horfa á það leikrit aftur.

Tók eftir því þegar eitthvert íþróttafíflið á einni stöðinni óskaði Valsmönnum til hamingju með sigurinn í kvennahandboltanum.  Svona rétt eins og að þægar og hlýðnar Valskonur hafi verið að draga verðlaun í hús fyrir Valsmenn.  Til að þóknast þeim.

Svipað og þegar viðmælendur í fjölmiðlum tönnlast á því að „menn sætti sig ekki við…“  eða að „menn séu þakklátir fyrir…“.  Og ef einhver gerir athugasemd þá er gripið til þeirrar sígildu skilgreiningar að konur séu líka menn.

Bull og vitleysa.  Þegar konur í Val verða Íslandsmeistarar, þá eru þær Valskonur!

Rosalega er asnalegt að sitja undir áróðursauglýsingum Landssambands Íslenskra Útvegsmanna í sjónvarpinu.  Hver á eftir öðrum birtast launaþrælar útgerðarkónga. Jafnvel verkalýðsleiðtogar.

Allir með byssuhlaup kvótakóngsins við gagnaugað.  Og væla gegn útvötnuðu frumvarpi um sjávarútvegsmál sem mun festa yfirráð útgerðarinnar yfir auðlindinni næstu tuttugu árin.  Sjá helst ofsjónir yfir hærra veiðileyfagjaldi þrátt fyrir ofurgróða árin eftir hrun fjármála og gengis.

LÍÚ eru gyðingar Íslands.  Forréttindahópur með forgjöf.  Fengu veiðikvóta upp í hendurnar á sér fyrir nær þrjátíu árum þegar nýtt kerfi var tekið upp undir því yfirskyni að koma í veg fyrir ofveiði.

Gyðingar í Evrópu fengu svipað forskot því þeir fengu einir fyrir siðaskiptin að innheimta vexti af lánum sem þeir veittu.  Þá þótti ekki kristið samkvæmt kaþólskri trú að græða á góðgerðum eins og lánastarfssemi.  Þess vegna eru gyðingar enn ráðandi í bankastarfssemi víðsvegar um heiminn.