Regnið í gær var í anda Þjóðhátíðar í Eyjum.  Ömurlegar dembur og skúrir þess á milli.  Ég flatur og skítþunnur í leku tjaldi með æluleifar í kokinu og alveg að míga á mig.  Gott ef ég þarf ekki að kúka líka.  Djöfull er ég svangur!  Verð edrú í kvöld – Einmitt!

Slær ekkert slíka morgna út í Herjólfsdal.  Svefnleysi, kvenmannsleysi, og hlandpína frá Helvíti.  Djöfull skal ég hösla næstu nótt!  Fyrst er það sturta og næring.  Fataskipti og von um betri tíð.

Lífið er yndislegt!

Álfasölu SÁÁ lýkur í dag.  Sölufólk reynir ákaft að höfða til samvisku okkar fyrir utan Vínbúðir og Bónusverslanir.  Veit ekki hvað þessi fígúra kostar núna.  Hef strunsað framhjá öllu liðinu með bjór í poka og lokað fyrir hlustir og buddu.

Rándýran bjór sem ætti með réttu að gera svona betl óþarft.  Eiga himinhá áfengisgjöld og skattar ekki að renna til forvarna og meðferðarúrræða?  Greinilega ekki fyrst að SÁÁ neyðist til að grípa til betlistafsins nokkrum sinnum á ári.

Langaði til að mölva sjónvarpið þegar Gunnar Smári Egilsson formaður framkvæmdastjórnar SÁÁ vældi sáran í Kastljósi að enn hærra verð á áfengi hefði fækkað glæpum í landinu.

Fattar ekki að stór hluti glæpalýðsins hefur snúið aftur til heimahaganna í A-Evrópu eftir að hafa gengið hér um í hópum berjandi menn og nauðgandi konum í miðbæ Reykjavíkur fyrir hrun.

Og gleymir að nefna alla unglingana sem fara beint í sterkari efnin því þau eru mun ódýrari og auðfengnari en sakleysislegur bjór úr rammgerðum, ríkisreknum okurbúllum.

Gunnar Smári á bara að skammast sín ásamt hinum fávitunum sem halda því fram að rándýr og ríkisrekin áfengisverslun forði ungviðinu frá fíkn í vín og vímuefni.

ÁTVR er botnlaus tekjulind fyrir ríkið.  Stofnun sem rukkar inn himinhá gjöld og skatta af vöru sinni en skilar þeim svo ekki til forvarna og meðferðar.  Notar aurinn frekar í að halda uppi ofvöxnu og sístækkandi embættismannakerfi.

Og til að halda úti síðustu ríkisreknu verslun Íslenska lýðveldisins; Vínbúðinni.

Stundum skammast ég mín fyrir hve samlandar mínir geta verið blindir þegar seðlabúnti er veifað fyrir framan þá.  Skiptir þá engu að þar sé á ferð útsendari Kínastjórnar að tryggja þeim landréttindi fyrir nýtt Chinatown á Grímsstöðum.  Golfhótel my ass!  Slíkt mun aldrei bera sig.

Meðan við horfum fimm ár fram í tímann, horfa Kínverjar fimmtíu ár.  Eru nú komnir með stærsta sendiráðið í borginni og sækja fram til frekari áhrifa hérlendis.  Leiðtogi þeirra leit meira að segja við og í fyrsta skipti sá ég íslenska lögreglu bera vopn erlendum erindreka til varnar.  Undarlegt!

Nei, hættum að blekkja okkur.  Þessum manni fylgir engin atvinna fyrir íslenskan iðnað.  Hann mun fljúga inn stórum hópi samlanda sinna sem starfa á þrælataxta og greiða sín gjöld og skyldur til Kínverska Alþýðulýðveldisins.  Svo þegar hótelið er tilbúið munu bara kínverskir starfsmenn starfa þar með stöku undantekningum.

Hélt að við værum svo mikið fyrir skák að við áttuðum okkur strax að Huang Nubo er einn af taflmönnum Kínastjórnar sem er verið að koma fyrir á eyju milli Evrópu og Ameríku.

Bráðum opnast siglingaleiðin um norðurslóðir.  Áður verður Nubo búinn að kaupa niðurníddan, kvótalausan og austfirskan kaupstað og byggja þar umskipunar- og olíuhöfn.  Og þar með stela glæpnum frá okkur.

Fólk virðist ekki fatta að Kínverjar geta auðveldlega yfirtekið eyjuna okkar.  Einfaldlega með því að flytja inn hundruði þúsunda og verða fjölmennari en við.  Rétt eins og Rússar reyndu að gera í leppríkjum Sovétríkjanna.

Time to wake up and smell the coffee!