Horfði á fyrsta hálftímann af kappræðunum og datt svo inn í nokkur skipti eftir það. Trump alltaf að tala um eitthvert flóttafólk og glæpi þeirra. Að hann hafi ekkert gert af sér. Bara sögusagnir frá Demókrötum og gervifjölmiðlum. Að hann hafi verið skotinn í hausinn út af þessm sögum. Kallaði Kamala marxista oftar en einu sinni. Allt sem kom út úr honum var lygi eins og vanalega. Og þetta kokgleypir helmingur bandarísku þjóðarinnar.

Kamala stóð sig vel eins og alltaf. Enda þrælvön að færa rök fyrir sínum málstað sem fyrrverandi saksóknari. En það skiptir engu fyrir þjóð af heimskingjum sem fattar ekki að þau eru ekki að kjósa Trump í annað sinn sem forseta heldur sem einræðisherra yfir Bandaríkjum Norður-Ameríku. Annað borgarastríðið mun fylgja í kjölfarið milli læsra og ólæsra; Demókrata og Republikana. Herinn mun skiptast í tvennt á milli heimsku og hugsunar.

Sorglegt að sjá hálfa þjóð tortíma sjálfri sér vegna heimsku og blindrar trúar á hinn sterka leiðtoga sem hatar alla jafnt og dáist að einræðisherrum jarðkringlunnar. Elskar bara sjálfan sig en hatar þjóð sína. Aumingi sem vill ekki leigja svörtum íbúðir fasteignafélags föður síns en heldur samt svartan þjón sem skeinir honum og klæðir hann í bleyju á morgnana.

Í öllu hangsinu heima við er ég orðinn TikTok fíkill. Get stundum hangið yfir þessu í tvo tíma samfleytt með símann í hendinni. Horft á myndbönd af vitleysingjum, leðurblökuköttum, klikkuðum köttum, viðtöl við frægt fólk, viðtöl við heimskt fólk sem styður Trump, geðsjúkling með tóma ræpu og vitleysingja sem kyrja með honum í kór, Kamala Harris og Tim Walz vera mannleg og eðlileg, Rottugengið, eftirhermur af Liam Gallagher, uppistandendur, þáttastjórnendur sem gera stöðugt grín að Trump og Vance, Sopranos, Godfather, Batman, Taylor Swift, Billy Joel og Bítlarnir.

Í öllu þessu áhorfi hef ég komist að því að helmingur bandarísku þjóðarinnar eru ólæsir, ómenntaðir og slefandi aumingjar. Og telja það til dyggðar að vera einföld og treysta siðblindum geðsjúklingi aftur blint fyrir stjórn landsins. Þrátt fyrir að hann hafi skitið upp á bak sér sem forseti.

Hvað er eiginlega að þessu liði! Vilja þau virkilega að Bandaríkin verði að einræðisríki undir stjórn vitfirrings og Republikanaflokksins? Fleygja lýðræðinu og sjálfsákvörðunarrétti fólks á bál sögunnar og ganga í lið með Pútin og norður-kórenska hlunknum.

Meðalgreinda bandaríkska þjóð!

https://www.visir.is/g/20242617580d/oktoberfest-opid-bref-erindi-til-studentarads-rektors-haskolarads-haskola-islands-og-haskolaradherra

Stúdentaráð Háskóla Íslands heldur Októberfest árlega á malarbílastæði skólans og túninu þar við. Slær upp tjöldum, lokkar að matarvagna að síðasta giggi sumarsins og býður fram frábæra dagskrá tónlistarfólks eina helgi í september áður en frostið skellur á borginni.

Allt til þess gert til að bjóða nema velkomna aftur til nýs skólaárs. Og ekki síst nýnema sem eru að taka sín fyrstu skref eftir framhaldsskóla á æðsta menntasviðinu áður en vinnumarkaðurinn fær að njóta starfskrafta þeirra.

En æ, æ. æ! Boðið er upp á bjór til sölu frá Ölgerðinni. Jafnvel afsláttarkort fyrir þau sem ætla sér að mæta öll kvöldin og kannski spara smá pening í leiðinni í bjórkaupum. Því varla eru háskólanemar múraðir fyrir og þurfa flestir að horfa í hverja krónu til að lifa af veturinn.

Nám snýst ekki bara um að grafa nefið niður í skruddur. Heldur líka um félagslíf. Hitta samnemendur, vini og jafnvel lífsförunautinn. Og þá er stundum lyft glasi af bjór eða léttvíni, gleymt stað og stund og slakað á í góðra vina hópi.

Eitthvað sem þessir tveir gosar virðast ekki skilja. Geta ekki látið fólk í friði sem neytir áfengis í hófi. Sem flestir háskólanemar gera sökum tímaskorts vegna námsanna og lítilla fjárráða því áfengisgjöld og skattar á þessu skeri eru með þeim hæstu á jarðríki.

Hata svona gaura sem vilja stjórna öðru fólki bara af því að þeir eru leiðindapúkar sem engum líkar við. Gott og blessað að stunda bindindi, en látið okkur hin í friði sem njótum þess að lyfta glasi í góðra vina hópi. Hvað kemur ykkur það við!