Læt vera að nefna nöfn í þessum pistli. Íslensk móðir var framseld með látum til norsks öryggisfangelsis. Snúin niður á Hólmsheiði því það hentaði lögregluþjónunum betur þegar þeir settu hana í járn. Hentar þeim betur en ef hún stendur í sína tvo fætur og setur hendur fyrir aftan bak og viðheldur þar með virðingu sinni.

Formaður lögfræðinga baulaði eitthvað um að fólk megi ekki taka lögin í sínar hendur við vegaslóða fangelsisins við Hólmheiði þegar átti að flytja móðurina í skjóli næturs í flugvél á Keflavíkurflugvelli. Hoppi hann bara upp í óæðri endann á feðraveldinu.

Öll þessi undlægja og aumingjaskapur íslenskra stjórnvalda og lögregluyfirvalda fær mig til að skammast mín fyrir að vera Íslendingur. Drengir virðast oftar dæmdir í forsjá feðra í þessum tveimur löndum. Dætur til mæðra. Allt til að viðhalda feðraveldinu. Alveg sama þó drengirnir vilji dvelja hjá mæðrum sínum. Kallakalladómararnir dæma feðrunum í hag þvert gegn vilja drengjanna. Og barnaverndaryfirvöld syngja í kór.

Norsk yfirvöld fá þessa drengi ADREI. Og íslensk yfirvöld geta étið skít. Mun taka þátt í öllum athöfnum til að vernda þessa drengi gegn undirlægjuhætti íslenskra stjórnvalda sem sjá sér ekki fært að vernda íslenska borgara gegn frekju og yfirgangi norskra stjórnvalda.

Eftir að löggubörnin tvö sökuðu mig um að hafa barið unga stúlku með níðþungum bekk í Mjóddinni og tilkynnt mér að ég væri með stöðu grunaðs manns, hef ég hrokkið í kút í hvert sinn sem ég sé bifreið eða bifhjól merkt lögreglunni.

Veit ekki hvernig eða hvenær ég get treyst þessum trúðum aftur. Engin rannsókn. Bara gengið út frá því að ég væri maðurinn út frá lýsingu greyið stúlkunnar sem varð fyrir árás af hendi manns líkum mér í vexti og útliti sem venur komur sínar í Mjóddina og er þekktur fyrir að vera tæpur á geði. Fékk að heyra það seinna útundan mér en ekki frá löggubörnunum.

Ávarpaður af löggudrengnum: „Af hverju réðstu á stúlkuna?“ Dómur upp kveðinn og ég sekur á leið í fangelsi með myrðandi augnaráð lögreglustúlkunnar á mér sem hafði gleymt báðum pennunum sem hún á að bera á sér öllum stundum þegar hún fór að ræða við föður stúlkunnar sem virtist eðlilega tilbúinn að drepa mig.

Viðurkenni fúslega að ég er bálreiður yfir að vera ranglega sakaður um að ganga í skrokk á barni. Og að vera sennilega enn með stöðu grunaðs manns í málasafni lögreglunnar á höfuðborgarsvæðinu er óásættanlegt.

Ætla því að krefjast þess að ég verði ekki lengur með stöðu grunaðs manns og fái afsökunarbeiðni fyrir að vera ranglega sakaður um glæp sem ég framdi ekki. Svona gengur ekki!

Arn­dís Anna Krist­ín­ar­dótt­ir Gunn­ars­dótt­ir, þingmaður Pírata, datt duglega í það á föstudaginn. Sem er svo sem ekki til frásagnar. Flest höfum við nú sofnað inn á salerni eftir duglegt kvöld á djamminu. Jafnvel dvalið þar lengur en þurfa þykir í djúpum sleik við einhvern spennandi.

Dyraverðir dýrkuðu upp dyrnar og hentu þingkonunni út þrátt fyrir mótmæli hennar. Kölluðu svo á lögreglu því það má víst ekki rífa kjaft við dyraverði sem eru mjög viðkvæm tegund af fólki og auðsæranleg. Hafa sennilega vonast til að Arndís yrði handtekin, fleygt í steininn og kærð. Sárabætur fyrir að fá ekki að draga hana bak við hús og lúberja hana eins og þeir gera við karla sem eru með dólg.

Nú hefur þingkonan beðist afsökunar á hegðun sinni. Gengist við að hafa verið dónaleg og brugðist illa við þegar aparnir í dyrunum óðu inn á hana og hentu henni út með látum. Alveg á ég von á að einhverjir hægri hálvitar eigi eftir að heimta höfuð hennar í gálga fyrir að hafa vogað sér að haga sér eins og strákur.

Stattu í lappirnar Arndís! Ekki fara að segja af þér fyrir að vera þú. Virkar sem mjög skemmtilegur djammfélagi sem væri frábært að djamma með…ef ég væri ekki orðinn svona illa miðaldra og kvöldsvæfur.