Sjá þessi andlegu systkini skiptast á lyklakortum ráðuneyta sinna. Íslandsbankasalan sett í forgang svo pabbi Bjarna og bróðir Þórdísar Kolbrúnar geti grætt enn þá meira á því að kaupa bréf með vænum afslætti og selt skömmu síðar með margföldum gróða. Ætli skjólstæðingar VG og Framsóknar fái líka svona kjör?

Hlýtur eiginlega að vera því þau æmta hvorki né skræmta. Virðast bara beygja sig betur og láta íhaldið taka sig í sitt ósmurða. Ég kvíði fyrir allri spillingunni og klúðrinu sem Bjarni á eftir að valda í utanríkismálum þjóðarinnar. Annar hver kúkur í flokknum á eftir að fá sendiherrastöðu. Lýst verður fullum stuðningi við fjöldamorð Ísraela á palentískri þjóð. Að þarna verði að taka til svo friður komist á. Og Pútín boðið í heimsókn til að fyrirgefa stuðninginn við Zelenski.

Slíku og fleira trúi ég upp á herra teflon. Maðurinn hefur átt fleiri líf í stjórnmálum en kettir og kakkalakkar. Alltaf þegar maður vonast til að losna við hann, þá snýr hann öllu við og stendur uppi sem sigurvegari. Vonandi hættir hann eftir kjörtímabilið. 70% þjóðarinnar er komin með upp í kok.

Enn eitt stríðið milli Ísrael og Palestínu. Flestir halda með Ísraelum þó þau séu landtökufólk og hafi kallað þessar hörmungar yfir sig. Rétt eins og landnemar Ameríku sem urðu að þola árásir innfæddra á bæi sína. Þýðir ekkert að nota rökin að við vorum einu sinni þarna. Samkvæmt því ættum við Ameríku. Breytir því ekki að ekkert fyrirgefur fjöldamorð á óbreyttum borgurum.

Bjarni Ben. stal þrumunni í enn eitt skiptið og sagði af sér þegar flest okkar bjuggumst við þvermóðsku og skítkasti út í álit umboðsmanns Alþingis. Teflon-Bjarni myndi lifa af kjarnorkustyrjöld rétt eins og hinir kakkalakkarnir. Annars er eitthvert þvílíkt plott í gangi innan Valhallar. Kemur í ljós á laugardaginn á ríkisráðsfundi á Bessastöðum þar sem Guðni forseti verður búinn að hella upp á ylvolgt kaffi og baka kleinur.

Sölvi Tryggvason kynnti jólagjöfina í ár fyrir alla misskilda karlmenn sem hafa einhverju sinni verið sakaðir um eitthvað misjafnt gagnvart konum. Þegar Frosti Logason, Arnþrúður Karlsdóttir, Pétur Gunnlaugsson, Hannes Hólmsteinn Gissurarson ásamt ýmsum öðrum topp karakterum mæta í útgáfuhófið, þá er öruggt að þú átt von á góðu.

Bíð einnig spenntur eftir bókum Ingó veðurguðs og Loga Bergmanns. Pottþéttar metsöluskruddur eins og bók Sölva. Gott ef Frosti Logason skelli ekki í eina og jafnvel Bergþór Ólafsson líka. Stefnir í að jólabókaflóðið verður gott í ár fyrir karla sem hata konur og telja sig eiga heimtingu á kynlífi með þeim.

Tveir gosar úr flokknum svo stoltir af dagsverki sínu að segja öllu ræstingarfólki og starfsfólki á þvottahúsum Grundar upp störfum svo þeir geti grætt enn meira með útvistun til einkarekinna fyrirtækja (sem þeir eiga sennilega sjálfir) sem greiða enn lægri laun til starfsfólks síns og tryggja enn síður réttindi þeirra.

Setja ætti í lög að rekstur hjúkrunar- og elliheimila megi ekki vera gróðrastía fyrir flokksmenn og að þar eigi hvorki stjórn né forstjóri heima í leit að skjótfengnum gróða. Umönnum eldri borgara á að vera óhagnaðardrifið samfélagsverkefni okkar allra. Annað er bara fáranlegt!