Beggi Ólafs, Frosti Logason, Jordan Peterson, Andrew Tate, og lærisveinar þeirra eiga það sameiginlegt að líta niður á konur, samkynhneigða og eiginlega alla aðra og telja sig þeim æðri.

Að þeir eigi að stjórna ferðinni og konur eigi að hanga á bak við vaskinn meðan þeir bera björg í bú. Sjái fyrir sér og sínum. Slíkt sé sönn karlmennska. Algjörar tímaskekkjur með hausana á sér kyrfilega skrúfaða upp í rassgat sjötta áratugar síðustu aldar.

Svarthvítir draumar um fyrri tíð þegar konur voru hlýðnar og prúðar og hommar bjuggu inn í skáp. Þegar veröldin snerist í kringum rassgatið á þeim þar sem þeir sátu í hægindastólnum inn í stofu reykjandi pípu og biðu eftir kvöldmatnum.

#metoo hefur farið illa með þessa vesalings menn. Gert út um alla þeirra drottnunardrauma. Í sárabætur hafa þeir eignast aðdáendahóp ungra manna sem telja það til réttinda sinna að fá að stunda kynlíf með konum óháð samþykki þeirra. Svokallaða Incels.

Hvers vegna er alltaf verið að böggast í mér þegar ég hætti mér í matvöruverslanir? Núna síðast í Hagkaup í Kringlunni.

Einhverjir þrír guttar með teiknuð yfirvararskegg og hatta að þykjast vera blaðamenn. Ráku gemsana sína upp í andlitið á mér og báðu um viðtal sem ég neitaði auðvitað. Bögguðu mig svo aftur þegar ég var að klára við sjálfsafgreiðslukassann og buðust til að borga fyrir mig.

Núna er ég orðinn aðhlátursefni á einhverri unglingasíðu. Geðvondi miðöldungurinn með allt á hornum sér. Þessi náungi sem maður sór þess eið sem unglingur að verða aldrei.

Fyndið að fylgjast með Kötu forsætisráðherra benda á bankastjóra Íslandsbanka í stað þess að benda á glæpamanninn sem hún hefur setið með í ríkisstjórn árum saman.

Sorglegt raunar.