http://www.ruv.is/frett/fengju-heimild-til-ad-skerda-adstod
Aumingjaskapurinn og mannfyrirlitningin hjá þessari aumu stjórn heldur óhikað áfram. Nú skal níðst þar sem síst skyldi. Á langtímaatvinnulausum sem dottnir eru út af bótum og inn á fjárhagsaðstoð sveitarfélaga. Nú skal dylja dulda atvinnuleysið. Svipta ólánsama einstaklinga sinni síðustu von og viðurværi. Reka þau beint í snöruna með tóman maga. Sveitarstjórnarkosningar eru í nánd.
Eygló velferðarráðherra er varla búin að sleppa kjökrinu yfir fátækt íslenskra barna þegar hún skellir þessu frumvarpi fram með bros á vör. Skilur hún ekki að tengsl eru á milli atvinnuleysis foreldra og fátæktar barna? Að skerða aðstoðina um helming þýðir bara minna á diskinn og meiri eymd. Eins og hún sé ekki næg fyrir. Það leikur sér enginn að því að hafna ömurlegu og illa launuðu starfstilboði. Þvinguð áfengismeðferð er sóun á peningum sem skilar ekki varanlegum árangri.
Vandinn hverfur ekki með því að afneita honum eða sópa undir teppið. Þýðir ekkert að gera fólki tilboð sem það getur ekki hafnað með byssuhlaup við gagnaugað. Nær væri að setja upp kerfi sem smá saman kæmi langtímaatvinnulausum aftur út á vinnumarkaðinn. Sambland af sjálfstyrkingu, aukinni menntun og vinnu. Nei, betra að stilla fólki upp við vegg á staðnum og refsa því svo grimmilega þegar það fylgir skynsemi sinni og hafnar skítastarfi sem skilar minna í budduna en strípuð aðstoð frá bænum.
Þrasið 
Er nú ekki allt í lagi að koma þessu fólki aftur út á vinnumarkaðinn? Auðvitað eru nokkrir þarna sem falla ekki undir þetta og þurfa sérstaka hjálp en svo eru líka margir þarna sem einfaldlega nenna ekki að vinna og ég skil þá alveg rosalega vel…hví að taka að sér láglaunavinnu þegar bætur slaga hátt upp í útborguð laun? Hækka lægstu laun segi ég svo fólk sjái nú hag í því að vinna og svo er allt í lagi að sparka aðeins í rassgatið á sumu fólki….vinnan göfgar manninn er það ekki ;-)