Nú er Anna Sigurlaug Pálsdóttir kona Sigmundar Davíðs að væla í Mogganum um illsku blaðamanna í stað þess að skammast sín fyrir aflandsreikningana.  Allt öðrum um að kenna.  Rétt eins og hjá konu Ólafs í Samskipum.

Mikið rosalega er ég orðinn leiður á Framsóknarflokknum og spillingarpésum hans. Ekki aðeins að þeir kunni ekki að skammast sín, heldur eru konur þeirra haldnar sömu villu og væla á síðum blaðanna í veikri von um að bæta hag gjörspilltra eiginmanna sinna.

Eftir kosningar í lok október mun ný stjórn samanstanda af Sjálfstæðisflokki, Viðreisn og Framsókn.  Til hamingju Ísland!

EF kosningar fara fram í haust er ég að hugsa um í fyrsta skipti á ævi minni að mæta ekki á kjörstað.  Ég nenni þessu ekki lengur.  Er ekki til neins lengur að kjósa samkvæmt sannfæringu sinni.  Framsóknaríhaldið mun aftur vinna. Sannið þið til. Helmingur þjóðarinnar er með höfuðin upp í rassgötunum á sér og gleypir allar kosningalygar stjórnarflokkanna.

Píratar ná aldrei fylgi skoðanakannanna vegna ágreinings innan eigin raða.  Fylgi Vinstri – Grænna snýst í kringum Kötu Jakobs.  Samfylkingin er týnd og tröllum gefin. Það trúir því enginn lengur að innganga í Evrópusambandið bjargi neinu hérlendis.  Viðreisn mun fylgja Sjálfstæðisflokknum.  Björt framtíð mun ekki bjóða fram.

Svo þegar túristarnir fatta loksins að hér er ekkert að sjá og hótelin fara á hausinn, þá fyrst komast Píratar, Samfylking og Vinstri – Grænir að til að taka til eftir veisluna.