Píratar án Birgittu eru bara píratar.  Vinstri-Græn eru allt of miklir kommúnistar og íhald fyrir minn smekk.  Ég ætla að snúa aftur heim á mína kratahaga í Samfylkingunni laugardaginn 28. október.  Jón Gnarr er genginn í lið með okkur.

Eflaust væri best fyrir landið ef við myndum sem flest kjósa Kötu og félaga.  Kjósa yfir okkur aukna velferð en að sama skapi hærri skatta, boð og bönn a la Steingrímur Joð.  Af hverju er þessi risaeðla enn í framboði?  Vinstri – Grænir er svo ágætur kostur án hans.

Costco hefði aldrei fengið að koma til landsins á hans vakt.  Sjálfgræðgisflokkurinn má þó eiga það að hafa leyft erlendu verslunarveldi að nema hér land og lækka verð í kjölfarið.  Gera smá sprungu í samtryggingu (einokun og okur) kaupmanna landsins.

Píratar komu að utan með valkost við fjórflokkinn.  Nú verða að minnsta kosti átta eða níu framboð í kosningunum 28. október.  Upphefðin kemur að utan.  Vonandi fá íhaldið og fjósafasistaflokkar Sigga og Simma frí þetta kjörtímabil.  Og fasistaflokkur frekjunnar ekkert fylgi.  Barátta hennar gegn fátækt er yfirskin fyrir útlendingaandúð innhringjenda Útvarps Sögu.

Hatur á innflytjendum á lítið erindi í íslenska pólítík.  Ekki heldur blind ástúð á flóttamönnum sem mun bara þurrka út fylgi flokka sem við hana daðra (Samfylking).  Íslendingum er ekki efst í huga örlög þeirra sem hingað flýja undan stríðum og örbirgð utan úr heimi.

Okkur er meira umhugað um eigin velferð.  Aldraðra og öryrkja.  Heilbrigðiskerfið.  Menntamál.  Og mest af öllu um húsnæðismál sem eru í þvílíkum ólestri sökum græðgi airbnb og leigufélaga sem hafa eyðilagt leigumarkaðinn.  Því ekki hafa allir efni á að kaupa íbúðir á okurverði.  Við erum ekki öll með milljón á mánuði í laun.

Loksins virðast þeir tímar upp runnir að við ætlum ekki að líða kynferðisofbeldi miðaldra karla sem telja það til sjálfsagðra réttinda sinna að fá aðgang að stjúpdætrum sínum og öðrum ungum konum.  Að svona sé þetta bara og hafi alltaf verið.  Ekkert óeðlilegt við það.  Og algjört rugl að hljóta dóm fyrir slíka misnotkun og uppreist æra því eðlilegt framhald.

Samtrygging siðblindra flokkshesta hefur nú fellt heila ríkisstjórn.  Fólk umber svona sóðahegðun ekki lengur.  Látið börn og ungar konar í friði, ógeðin ykkar! Látið okkur hin í friði og gerið það eina rétta í stöðunni.  Látið vana ykkur eða hverfið úr samfélagi kvenna og manna.  Að girnast og leita á börn og ungt fólk er ekki eðlileg hegðun.

Og þið hinir valinkunnu sem hafið kvittað upp á beiðnir um uppreist æru æskuvina, flokksfélaga og félaga ykkar:  fokkið ykkur!  Marklaust að segjast sjá eftir öllu saman, ekki hafa lesið bréfið eða vera sjálfir feður.  Óþarfi að vera foreldri til að vita að svona gerir maður ekki.  Morðingjar og nauðgarar hafa enga æru.