Listi yfir skattsvikara hefur lengi boðist ríkisstjórninni til sölu. Skothelt dæmi þar sem ríkið græðir margfalt virði þess sem það leggur út fyrir listanum. En nei, lítil von til þess að Bjarni Ben. fjármálaráðherra fari að kaupa lista með nafni sínu, ættingja og vina. Mun aldrei gerast. Afsökunin verður of mikill kostnaður fyrir lítil aflabrögð.

Fjármálaráðherra mun gretta sig og tala hægt. Jafnvel tafsa á milli orða. Hneykslast á slíku lögbroti sem illa fengnar upplýsingar eru. Fullyrða að skattaskjól séu hugarburður vinstrimanna. Að til lítils sé að kaupa slíkan lista…um vini hans og ættingja.

Hér verður enginn listi keyptur. Síst af öllu fyrst að vinstri stjórnin keypti hann ekki á sínum tíma. Fjórflokkarnir eru samtvinnaðir í sínu sukki. Þykjast deila á þingi en koma sér svo saman um að deila góssinu og níðast á landsmönnum. Framvegis kýs ég allt annað en fjórflokkinn. Annars breytist ekkert.

Ljósmynd birtist í Fréttablaðinu við umfjöllun um nýja leiksýningu. Á henni stendur liðsforingi Þriðja ríkissins og beinir skammbyssu að konu. Fyrir það fyrsta stillir hann sér upp eins og nútíma glæpon úr bandarískri gengjamynd. Fáranlegt.

Svo heldur hann á eftirlíkingu af Beretta 92. Vinsælli ítalskri skammbyssu sem var ekki framleidd fyrr en þrjátíu árum eftir lok seinna stríðs. Hefur verið notuð í meira en tuttugu ár af bandaríska hernum og lögreglunni. Vann samkeppni við Sig Sauer því hún var ódýrari og einfaldari. John McClane í Die Hard er alltaf með Beretta og ótal skothylki.

Þýskir liðsforingjar gengu annað hvort með Luger, Walther P38 eða Walther PP sem síðar varð PPK eins og sú sem Bond, Derrick og The Equalizer notuðu. Leiðinlegt þegar þau sem sjá um búninga leiksýninga nenna ekki að redda sögulega réttum leikmunum.

2007 er aftur að nálgast. Byggingarkranar út um allt. Strætisvagnar fullir af keðjureykjandi verkamönnum frá Austur-Evrópu í hvítum strigaskóm sem hósta stöðugt yfir mann svo maður gæti rétt eins ferðast með fullum öskubakka á hjólum.

2007 voru allir á svörtum Range Rover. Nú virðast margir halla sér að Land Rover Discovery og rándýrum reiðhjólum. Reinsanir aðeins of dýrir enn þá. Bankarnir eru aftur byrjaðir að lána og menn með milljón á mánuði fá auðveldlega bílalán fyrir breskum Rover jeppum. Hér er allt á uppleið…fyrir suma.

Það er rannsóknarefni hvernig hrunflokkarnir tveir komust svona skjótt aftur til valda. Erum við svona vitlaus sem þjóð. Var þolið ekki meira en fjögur ár með vinstri stjórn? Við vorum á réttri leið og nú eigna þessir fávitar sem núna eru við stjórn sér heiðurinn af árangri síðustu stjórnar. Og deila honum til ríkasta hluta þjóðarinnar í gegnum breytt (einfaldara) skattkerfi. Og heimta 1,5% sparnað á línuna til að greiða fyrir 11 milljarða eftirgjöfina til útgerðarinnar.

Hér er enginn feluleikur í gangi. Bara einbeittur brotavilji gegn þeim sem hafa það verst á Íslandi. Kristaltært hatur á atvinnulausum, öryrkjum og eldri borgurum. Búsáhaldabylting hvað! Hér er þörf á blóðugri byltingu með valdi. Annað skilja þessir pabbadrengir ekki.