Endurnýjuð og nafnlaus bloggsíða svo ég verði ekki tengdur strax við starf mitt við fyrsta lestur. Fékk bágt fyrir slíkt áður og var tekinn á teppið eftir ábendingar og kvartanir úr ýmsum áttum.

Auk þess fór sumt sem ég birti fyrir brjóstið á sama fólki sem er frekar viðkvæmt og mun betri manneskjur en ég. Neyðist til að taka tillit til þeirra og bíta í tunguna á mér og slá á puttana á mér þegar púkinn hleypur í mig til að tala tæpitungulaustl

Stundum á laugardögum rétt fyrir hádegi næ ég að panta tvær með hráum, sinnep og remúlaði. Rétt á milli hópa af erlendum ferðamönnum hvers leiðsögumenn kynna pylsuvagninn sem vinsælasta veitingastað borgarinnar.

Leigði Citroen-e Berlingo rafbíl í sólarhring hjá Brimborg í vikunni. Djöfulsins snilld! Þvílíkt gaman að aka þessu kvikindi um götur bæjarins. Sjálfskiptur andskoti sem rýkur framúr öllum bensíndruslunum.

Fyllti skrjóðinn tvisvar af dósum og flöskum fyrir endurvinnsluna. Tæpar tvö þúsund einingar og fjörtíu þúsund krónur í kassann. Ferföld leiga á bílnum.

Allan sólarhringinn í gegnum app og ekkert kreditkort.