Eins og ég spáði þá gerðu typpalingarnir tveir engar rósir í Júróvisjón. Enduðu í næst síðasta sæti. Og Íslendingurinn er hneykslaður á dómnefndum og öðrum Evrópubúum fyrir stigaleysið.

Við hverju býst fólk við þegar síðsta aðtriðið úr undankeppninni heima er alltaf sent út í kjölfar símakosningar barna í sykursjokki og dómnefndar með þá skipun að keppnin megi ekki reka á Íslandsstrendur.

Hvernig væri nú bara að senda Laufey út og rústa keppninni í eitt skipti fyrir öll!

Þéttvaxin veski sjá sér ekki fært að leggja aðeins meira tii samneyslunnar í formi hærri veiðigjalda. Skipa frekar húskörlum sínum og konum á Alþingi að stunda málþóf strax við fyrstu umræðu. Eitthvað sem hefur ekki áður gerst.

Upp sprettur forstjóri Brims sem segir að fiskurinn í sjónum eigi sig sjálfur, en hann og fégráðugir félagar hans eigi veiðiréttinn. Þjóðin eigi ekki neitt og eigi að þakka þeim fyrir að sækja fisk úr sjó. Trumpisminn ferðast víða.

Forstjóri Brims sækir ekki neitt frá skrifstofunni sinni. Það gera þrælar hans munstraðir á skipum hans.

Brunaði upp í RÚV í dag í örviðtal við Ragnhildi Steinunni um frú Vigdísi. Sendi víst einhverja örsögu til Ragnhildar sem varð til þess að hún hringdi í mig og bað mig um að mæta fyrir framan linsu og hljóðnema fyrir þátt um Vigdísi sem verður sýndur í vetur.

Tvær tökur. Sú fyrri bara upphitun. Sú seinni tókst víst vel. Skrítið að standa í kolsvörtu myndveri með tvær linsur, hljóðnema og bjart ljós á sér meikuðum í drasl

En hvað gerir maður ekki fyrir frú Vigdísi…og Ragnhildi Steinunni. Tvær frábærar konur.