Bræðurnir loksins búnir að sættast. Djöfullinn sjálfur hélt að þetta myndi aldrei gerast. En menn þroskast og komast að því að þeir voru fávitar þá en feður nú.

Bíð spenntur við tölvuna til að tryggja mér miða á tónleika sem fara í sölu í lok mánaðarins.

Samkvæmt fjármálaráðherra er það í DNA Íslendinga að sætta sig við háa verðbólgu.

Rétt eins og það er í okkar genum að sætta okkur við að vera tekin reglulega í rassgatið af stjórnvöldum.

Hann veit sínu viti að fjósafasistarnir munu ná að troða sér í næstu ríkisstjórn eins og venjulega með sjálfgræðgisflokknum.

Að hanga einn heima eins og hor upp á vegg gerir engum gott. Allt of mikill tími gefst til að hugsa og gera upp gömul mál í huga mér. Kljást við svipina sem fara á stjá um nætur þegar ljósin eru slökkt og myrkrið og þögnin ráða ríkjum.

Stúlkur fyrri daga sækja að mér um nætur til að minna mig á mistök mín. Að hafa ekki bundist þeim tryggðarböndum og sökkt mér í samband við þær á sínum tíma heldur stokkið logandi hræddur frá borði af ótta við að særast á hjarta.

Rúmið getur orðið ansi kalt og einmanalegt um nætur þegar kroppurinn þráir fátt heitar en faðmlag, nánd og hlýju.