Starfsfólk félagsmiðstöðva gagnfræðaskóla vöktuðu bílastæði eftir tónleika viðkomandi svo hann lokkaði ekki 14-16 ára stúlkur upp í bílinn sinn eftir tónleika. Hann sneri á þau með því að pikka þær upp við hverfissjoppunar í staðinn.

Hann var kanselaður og sakaður um óeðlilega hegðun gagnvart barnungum stúlkum. Sem er í sjálfu sér siðlaust en ekki alltaf gegn lögum. Missti fullt af giggum og lagði gítarnum um stund. Bar sig aumlega.

Nú er hann mættur aftur með nýtt lag, konu og barn. Og stórtónleikar eru planaðir í mars. Fagnaðarlætin í athugasemdarkerfum vefmiðla segja í sjálfu sér sögu um sjúkt sálarlíf hluta þjóðar.

Mömmur, ömmur og kallakallar að fagna endurkomunni og bjóða hann velkominn aftur. Vonandi kaupa þau öll miða fyrir unglingsdætur sínar og barnabörn svo hann geti pikkað þær upp eftir tónleikana á leið heim.

„Áfengi í matvöruverslanir“ hefur verið frelsisflagg Sjálfstæðisflokksins í áratugi fyrir kosningar. Veifað af nýjum þingmönnum í upphafi hvers kjörtímabils og lofað að leggja fram fyrir þing í lok kjörtímabils. En aldrei hefur neitt gerst. Enda engin alvara að baki.

Svo hefur netverslun tekið við sér með heimafesti í öðrum löndum en lager hérlendis. Einhver dómsmál eru í gangi um réttmæti þess og munu vonandi daga uppi. Á meðan nýtir Jón Gunnarsson dómsmálaráðherra tækifærið og veitir íslenskum framleiðendum loksins þann sjálfsagða rétt að geta selt framleiðslu sína beint frá býli til viðskiptavina sem koma í heimsókn.

Jón Gunnarsson er ekki allra en fær þó prik frá mér fyrir að koma sjálfsögðum málum áfram í stað þess að hjakka í sama farinu og bíða eftir samþykki annarra sem engu þora.

Svolítið skrítið að ekki megi leyfa einhvern hlut vegna þess að eftir á að gera eitthvað annað sem er framar í forgangsröðinni. Með slíkum rökum verður ekkert gert. Aldrei. Sem er án efa það sem margir vilja. Halda öllu óbreyttu í sama djúpa farveginum og leiðindunum.

Ömurlegast er þó að fólk skuli í sífellu falla fyrir lygi Sjálfstæðisflokksins og rísa upp á afturlappirnar í hvert sinn sem þau tala um möguleikan á áfengi í matvöruverslanir. Eitthvað sem verður seint framkvæmt af þeirra frumkvæði, heldur mun gerast af sjálfu sér með aukinni netverslun innanlands og landa á milli.

Hættið að berjast við vindmyllur. Þær munu koma hvort sem þið viljið eða ekki. Þannig hagar framtíðin sér.

Fékk fyrstu jakkafötin fyrir fermingu. Önnur fyrir 25 ára afmælið sem dugðu í nokkur ár á djamminu.

Ætti ég að fá mér þriðju fyrir fimmtugsafmælið? Er hrifnari af stökum jakka og buxum án bindis.