Davíð Þór er einn af fáum prestum Þjóðkirkjunnar sem þorir að tala tæpitungulaust. Og fær skammir í hattinn frá biskup.

Auðvitað má hann ekki benda á hið augljósa. Að Vinstri – Græn séu orðin fasísk með samneyti sínu með Jóni Gunnarssyni og hinum rasistum íhaldsins sem vilja ekki ókristið og litað flóttafólk til landsins.

Huglausa lögreglan í Uvalde þorði ekki inn í skólann þrátt fyrir að vera með alvæpni.

Leyfði aumingjanum að dunda sér við að murka lífið úr 19 börnum og tveimur kennurum.

Bara af því að þeir þorðu ekki að leggja líf sín að veði. Á meðan hljóp móðir inn í skólann og bjargaði börnunum sínum tveimur.

Fleiri huglausir menn með byssur leysa engan vanda. Menn með byssur eru ósköp litlir menn.

Borgarlínan á að greiðast upp með þéttingu byggðar í kringum hana. Rándýrar íbúðir á færi aðeins þeirra sem einnig hafa efni á að eiga og reka bifreið. Sem sagt ekki framtíðar farþegar Borgarlínunnar.

Borgarlínan ætlar að gera út á tíðar ferðir í gegnum sérlínur milli akreina sem styttir ferðatíma til muna. Gott og vel. Vagnar á sjö mínútu fresti í báðar áttir. Allt gott og blessað ef fólk nennir og vill þennan ferðamáta. – Sem langflestir kjósa ekki!

Ég er síðasti Móhíkaninn! Síðasti miðaldra Íslendingurinn sem ferðast enn með strætó. Og aðeins vegna þess að ég hata að aka í kös borgarinnar, hef ekki efni á bíl og fæ samgöngustyrk frá vinnustaðnum mínum sem greiðir Klappið mitt nær að fullu. Annars myndi ég hjóla.

Borgarlínan eru leiktjöld til að tefja alvöru uppbyggingu almenningsamgangna höfuðborgarsvæðisins. Það mun engin brú rísa yfir Fossvoginn. Sannið þið til.