Hvenær ætla vesturveldin að bregðast við frekju og yfirgangi Pútíns? Hann mun ekki láta sér nægja Úkraníu. Eystrasaltslöndin og Pólland eru næst á dagskrá. Mætti halda að enginn hafi lesið sér til í sagnfræði.

Lærdómurinn þar er að ef þú leyfir yfirgangsseggjum að fara sínu fram gagnvart nágrönnum þínum, þá mun koma að þér fyrr eða síðar. Þannig hófst seinna stríð. Hitler var leyft að taka Súdetalöndin og Austurríki án athugasemda. Svo tók hann Pólland.

Hættum að vera heiglar. Göngum frá Pútín í fæðingu frekjukastsins hans.

Unglingahópur hertók biðskýlið á brúnni við Hamraborg. Leitaði mér því skjóls handan bæjarskrifstofunnar á torginu. Varð þó á undan þeim upp í vagninn. Hersingin var ekki ánægð og ýtti við mér eftir vagninum svo ég hrasaði við að koma mér í sæti og öskraði á þau „helvítin ykkar“. Þeim virtist standa á sama.

Borgarlínufólkið ætti að reyna að ferðast með strætó í stað þess að aka um á fokdýrum jeppum og kjósa Sjálfstæðisflokkinn og Samfylkinguna.

Covid er ekki orðið að kvefi ef eldra fólk með asma og tvær sprautur þarf að leggjast inn á spítala með litlar slöngur í nasirnar til að ná upp súrefnismettun.

Við afléttum öllu of snemma. Hefðum átt að anda aðeins með nefinu og hugsa um eldri borgara og fólk með undirliggjandi sjúkdóma.

En nei, okkur lá svo á að komast á menningarviðburði og í sleik niður í miðbæ.