Bæði síðastliðinn föstudag og í dag hef ég orðið vitni að bílflautum út og suður vegna smárra yfirsjóna. Fólk er tæpt á tauginni. Pirrað út í allt og alla.

Haustið hellist yfir landann og fólk er á hausnum eftir lystisemdir sumarsins. Greiðslukortareikningurinn kominn í þrjár skiptingar og jólin nálgast.

Lífið á ekki að vera svona erfitt.

Talið er að uppgangur öfgahægri afla sé stjórnmálafólki sjálfu um að kenna. Fyrir að hlusta ekki á áhyggjur fólks um innflytjendur og flóttafólk.

Þess vegna fá fávitar eins og Trump og Farage fylgi.

Hlustum á áhyggjur fólks og komum í veg fyrir kosningu fáráðlinga.

MAGA heilaþvotturinn hefur borist til okkar stranda.

Varð virkilega brugðið í vikunni þegar einstaklingur sem ég hef alltaf borið mikla virðingu fyrir og talið mun betur gefinn en mig, fór allur í vörn þegar ég kallaði Pete Hegseth varnarmálaráðherrafífl Trumps réttilega fyllibyttu.

Brá enn betur í brún þegar hann fór að verja Charlie Kirk og ræpuna úr honum. Rífast við mig um hvort að hann hefði verið rasisti og nasisti fyrir að benda á að minnihlutahópar fengju að fljúga farþegum undir mun minni kröfum, sem er kjaftæði runnið undan rifjum hægriöfgamanna. Fengu í mesta lagi forgang um stöður.