Sumarfrí eður ei. Get ekki haldið kjafti. Ríf því þagnarbindindi mitt með látum og tjái mig um um meintan sjúkdómsdreifandi Nígeríuflóttamann.

Sá þykist ekkert hafa vitað um HIV smit sitt sem þýðir að Útlendingastofnun hefur ekki fylgt því eftir að hann færi í læknisskoðun við komuna til landsins. En hafi hann vitað af ástandi sínu en samt rennt í allar þessar ungu konur án smokks, þá er hann glæpamaður með skýran ásetning og á að vera dæmdur samkvæmt því.

Mörg karlkyns nettröll hafa tjáð sig og sagt hjásvæfur hans hafa fengið það sem þær eiga skilið fyrst þær voru svo vitlausar að lúlla hjá manni frá svörtustu Afríku. Týpísk rasísk rök. Eins og konur ráði ekki sjálfar yfir píkunni sinni. Var Druslugangan ekki annars í gær?

Burt séð frá rasisma, kvenhatri eða öðrum miður fallegum kenndum, þá er ljóst að við Íslendingar nennum ekki að nota smokk við kynmök og ríðum frekar berbakt án nokkurra áhyggja um sjúkdómssmit.

Vissulega drepur það smá stemninguna að rífa upp pakkningu og renna smokk á félagan fyrir átökin, en það er bara nauðsynlegt þegar skyndikynni eru annars vegar. Þú veist ekkert um þann aðila sem þú ert að fara sænga hjá.

Æ, er kominn í sumarfrí og nenni ekki að eyða því í nöldur á netinu. Ætla að njóta þess eins og latur köttur. Sofa, geispa og vakna eftir þörfum.

Hérna eru nokkrir pottþéttir sumarsmellir handa ykkur þar til ég nenni aftur að nöldra. Þó sennilega ekki aftur fyrr en um miðjan næsta mánuð. En aldrei að vita. Tómir fávitar á þessu skeri. Þangað til næst.

Hasta mes!

Skil ekki af hverju erlendir ferðamenn slæðast hingað upp á Klakann. Hér er ekkert að sjá nema leiðindi. Að minnsta kosti í höfuðborginni. Lundabúðir hverri annarri líkar, ljót hús og vond veður. Verðlagning upp úr öllu valdi og léleg þjónusta.

Skil vel að túristarnir vilji ganga örna sinna í íslenskum húsagörðum og þakka þannig fyrir ömurlega upplifun á þessum ofmetna klaka sem þeim var seldur sem ósnortin náttúruparadís.

Hvað er svona erfitt við að fjölga salernum? Og rukka tvær Evrur inn eins og gert er í Berlín. Ekki sá ég eftir þeim fjármunum fyrir flott og hreint salerni við minnismerkið um Helförina. Starfsmaður á vakt sem sér um að halda öllu í toppstandi. Algjör snilld. Rétt eins og á Strikinu í Kaupmannahöfn og eflaust flestum siðmenntuðum stöðum í Evrópu.

Skortur á salernisaðstöðu fyrir ferðamenn er lýsandi fyrir hve gráðug við erum. Ætlumst bara til að fá þá hingað án nokkurs tilkostnaðar. Græða á þeim og senda þá svo heim í bullandi spreng. Og ef þau þurfa nauðsynlega að létta á sér er þeim bara bent á einkagarða hringinn um landið í skjóli trjáa.