Cavatina The Shadows hljómaði í kringum sex á sunnudögum þegar hugvekjan hófst í Ríkissjónvarpinu.  Lambalærið stundi lágt í ofninum og beið þess að vera neytt með brúnuðum kartöflum og með því.

Einkavinavæddur náttúrupassi er á leiðinni frá iðnaðarráðherra til okkar sem kjósum að skoða landið okkar. Nú skulum við greiða 1.500 kall fyrir að líta Þingvelli augum í sjóð einkavina iðnaðarráðherra. Allt undir því yfirskyni að byggja eigi upp aðstöðu téðs ferðamannastaðar.

Þegar einkennisklæddur rukkari nálgast mig á Þingvöllum og falast eftir að selja mér náttúrupassa, þá mun ég segja „nei takk“ og neita að gefa upp nafn. Hvað getur viðkomandi gert? Handtekið mig? Leitað á mér til að finna skilríki. Skellt á mig sekt upp á 15.000 krónur? Hér er viss ómöguleiki á ferð eins og Bjarni Ben. orðar það. Ekkert okkar mun gefa upp nafn. Náttúrupassinn er lífvana fæddur.

Elín Sif Halldórsdóttir fer til Austurríkis í Eurovision fyrir okkar hönd. Óþarfi að halda næstu undanúslit og lokaúrslit. Ekkert frábært lag þannig séð heldur bara sannur flutningur, einlægni og einfaldleiki. Þarf ekki meira og alls ekki allt þetta innsog og yfirhleðslu hinna atriðanna í gærkvöldi.