Bretar eru eðlilega reiðir yfir að flaggað sé í hálfa stöng vegna dauða konungs Saudi-Arabíu og að forsætisráðherrann og erfðaprinsinn mæti til jarðafararinnar. Þessi þjónkun við olíufursta sem virða engin mannréttindi og kúga konur fer illa í fólk hérna megin jarðkringlunnar.

Mannvitsbrekkurnar Andri Freyr og Gunna Dís á Rás 2 tjá sig um myndbirtingar Charlie Hebdo á Múhameð spámanni múslima. Segja að við eigum að hætta að birta slíkar skopmyndir því þær fara svo í taugarnar á einhverju liði sem býr aftur á miðöldum í eyðimörk og óþrifnaði.

Ganga þar með í lið með „Je ne suis pas Charlie“ liðinu sem styður skert tjáningarfrelsi því að einhver gæti móðgast. Skilja ekki að það verður hvorki nú né seinna gefinn afsláttur á frelsi okkar sem búum á Vesturlöndum til að þóknast örfáum öfgasinnuðum handklæðahausum í rykugum eyðimörkum Norður-Afríku.

http://www.dv.is/frettir/2015/1/22/eru-einhverjir-hlaupandi-um-goturnar-oskrandi-n-ordid-af-thvi-thad-ma-nei-hvada-bull-er-thetta/

http://www.ruv.is/frett/reidi-vegna-floggunar-i-halfa-stong

Bretar, Bandaríkjamenn og fleiri þjóðir hafa ákveðið að hleypa ekki aftur inn mönnum sem hafa farið að berjast fyrir ISIS eða Al-Qadea í Sýrlandi og öðrum arabalöndum. Svipta þá vegabréfi og ríkisborgararétti. Refsa þeim fyrir eitthvað sem fyrr voru talin æskubrek, að fullorðnast.

Ungir menn án vinnu og markmiðs eru í hættu á að leita uppi átök og skrá sig til þátttöku í þeim. Þannig hefur það alltaf verið. Betra að falla fyrir byssukúlu en betlandi á hnjánum. Málstaðurinn skiptir ekki öllu.

Í bandaríska borgararstríðinu börðust bræður móti hvorum öðrum því þörf þótti norðan meginn á að koma landinu sameinaðu inn í nútímann. Mikið held ég að margir ungir menn hafi glaðir skráð sig og hlaðið sinn hólk fyrir þau átök án þess að telja sig gerast hryðjuverkamenn. Rétt eins og í spænska borgarastríðinu á fjórða áratug síðustu aldar þar sem streymdu að ungir menn hvaðan að af til að taka þátt í aðal dæminu þá.

Nútíminn hefur enga þolinmæði lengur fyrir svona ævintýramennsku og vill ekki fá til baka þrautþjálfaða hermenn sem eru orðnir öfgasinnaðir múslimar á móti vestrænum háttum. Nóg er nú samt af vitleysingunum í Evrópu og Ameríku. Þá eru þeir betur geymdir áfram í sínum fyrirheitnu löndum.

Charlie Hebdo málið er bæði sorglegt og til þess gert að minna okkur á hve viðkvæmt og dýrmætt tjáningarfrelsið er í raun og veru. Á Íslandi er farið öðruvísi að því að þagga niður í opinberri umræðu. Hér kaupir bara Framsóknarflokkurinn upp gagngrýni í gegnum Björn Inga Hrafnsson.

En verður sem betur fer ekki að ósk sinni því í gegnum http://www.karolinafund.com mun rísa nýr og óháður miðill með framlagi okkar sem trúum á gagnrýna umræðu án krumla stjórnmálaflokka og hagsmunaaðila. Stundin verður hið nýja DV og betra. Þar fá ekki kaldir fingur Framsóknar að kveða niður umræðuna.

Allt ferlið í kringum DV hefur verið ömurleg aðför að tjáningarfrelsinu. Eina blaðið sem hefur þorað að rannsaka og gagnrýna hefur þurft að þola fjandsama yfirtöku aðila sem líða ekki að um þá sé fjallað. Ég vorkenni þeim blaðamönnum sem enn eru eftir á þessum fjölmiðli. Vonandi finna þau sér aðra og betri vinnu sem fyrst.