Mér skilst að Samfés heiti í raun Sleikfés.  Að þar gangi allt út á að slumma sem flesta og safna símanúmerum.  Come on!  Þið eruð krakkar!  Slakið aðeins á að verða fullorðin.  Verðið dauð í sálinni fyrir tvítugt með þessu áframhaldi.

Minnir að í fyrra hafi umsjónaraðilar misst hökuna niður í gólf því stúlkurnar voru svo léttklæddar að það hálfa hefði verið nóg.  Múgsefjun netsins sækir stöðugt harðar á viðkvæmar gagnfræðaskólasálir.  Sjálfstæð hugsun er illa séð.  Krakkar eiga að vera vitlausir.  það er krafa dagsins.

The Lovely Bones á RÚV skilur mikið eftir sig.  Virkilega vel gerð mynd um hætturnar sem steðja að börnum.  Rándýrin eru allt um kring og bíða þolinmóð eftir að hreppa bráð sína meðan við hin hættum að taka eftir umhverfi okkar.  Einstæðir karlar eins og ég erum eðlilega ofarlega á lista yfir grunaða.  Annað væri nú skrítið.

Hef reyndar aldrei verið yfirheyrður en myndi sýna slíku boði mikinn skilning.  Menn sem búa einir hljóta að vera eitthvað veikir á geði.  Konur hljóta að hafa gefist upp á þeim því þeir eru svo undarlegir í háttum.  Barnlausir einsetumenn eru sérstaklega hættulegir.

Stundum velti ég því fyrir mér hvort að einstæðar konur drífi sig í að verða einstæðar mæður svo þær verði ekki brenndar á báli fyrir galdra eins og formæður þeirra fyrr á öldum.

Æ, mér dettur fátt í hug núna.  Helst leiðindi og meiri leiðindi.  Nenni ekki að skrifa um leiðindi í kvöld.  Góða nótt!