Eini dagur ársins sem maður getur ekki ferðast með strætó til að sinna erindum, heimsóknum og verslun. Ekkert pláss og götulokanir út af einhverjum hlaupandi hálfvitum. Allir vagnar fullir af fjölskyldum með vagna að ferðast fram og til baka til að fylgjast með sviðum og flugeldum. Pabbi fær bjór og brosir eins og asni.

Sjálfur hef ég síðastliðin ár bara hoppað á hlaupahjóli yfir daginn. Þverað miðbæinn og drukkið í mig atriði hér og þar. Svo forðað mér heim fyrir kvöldmat. Flakkað á milli atriða í sjónvarpinu og horft á flugeldana frá Sæbrautinni. Get ekki svona gripaflutninga með strætó.

Fór augljóslega ekki í fyrra. Veit ekki hvort ég nenni í ár. Kannski ef veðrið verður skaplegt.

Pappakassar eru illa miðaldra menn sem vilja banna allt og neyta okkur hinum um minnstu gleði. Þeir eru kvæntir góðum konum sem ekkert aumt og erlent mega sjá.

Leitt að sjá að hnífstunguárásin í fyrra sem leiddi til hörmulegs dauðsfalls ungrar konu sé notuð til að réttlæta styttingu dagskrár Menningarnætur og til að færa tónleika bæjarhátíðarinnar í túninu heima í Mosfellsbæ frá laugardagskvöldi yfir á sunnudagseftirmiðdegi til að koma í veg fyrir meinta unglingadrykkju.

Kjörnir pappakassar elska að nýta sér ömurleg atvik til að vera með leiðindi. Boða bönn og þrengingar. Segja fólki fyrir verkum í stað þess að neita ofbeldismanninum sigurverðlaun fyrir að skapa leiðinlegra samfélag.

Herða skal tökin. Fara í mál við frelsisbera í netsölu á áfengi sem björguðu geðheilsu minni þegar ég lá veikur heima með fótamein meðan risaeðlan Vínbúðin var og er ekki með heimsendingar. Öll önnur íslensk fyrirtæki sendu mér vörur heim að dyrum. Jafnvel apótek.

Ferkantaða fólkið naut sín einkar vel í Covid. Eftir að faraldrinum lauk ákváðu þau að fara herma eftir Donald Trump og MAGA. Ljúga og gaslýsa fólk þeim ósammála. Veifa palentískum fánum á sautjánda júni og sulla rauðri málningu á blaðaljósmyndara þeim ekki að skapi.

Eldri pappakassar tilheyra foreldrasamtökum gegn áfengisauglýsingum = ritskoðunarsinnar. Fagna nú ógurlega því að lögreglan ætlar loksins að kæra einhverjar tvær netsölur fimm árum of seint. Dómarinn mun umsvifalaust senda kæruna aftur heim í hérað til frekari rannsóknar vegna tafa.