Jón Sullenberger fagnar mögulegri komu Costco inn á íslenska markaðinn. Það nægir mér að maður sem hefur neyðst til að berjast fyrir lífi sínu gagnvart íslensk/evrópsku regluverki síðustu fjögur árin sé sáttur.  Hann hefur þurft að líma límmiða ofan á límmiða á ameríska vöru sína.  Rétt eins og að þjóðin skilji ekki ritaðar enskar innihaldslýsingar.

Skítt með Evrópusambandið og fríverslunarsamninginn við Kína.  Við eigum auðvitað að opna fyrir sem flestum. Vera háð engum en í sambandi við sem flestar þjóðir.  Viðskiptavinir Costco greiða ríflega sex þúsund krónur á ári til að vera meðlimir og fá í staðinn að versla mun ódýrari vöru.

Heykvíslaliðið hefur áhyggjur af kröfum um undanþágur frá áfengislögum og innflutningi á hráu kjöti.  Costco greiðir hærri laun en íslensk lágmarkslaun. Og er mun betur liðið en Walmart keðjan.  Costco hefur aðlagað sig að lögum og reglum hvers ríkis en þrýstir jafnframt á að fá að selja lausasölulyf, áfengi og eldsneyti yfir borðið á lægra verði.  Rétt eins og allar aðrar vörur sínar.

Framsókn og Vinstri – Grænir munu reyna koma í veg fyrir komu Costco inn í landið.  Verslunarmafían mínus Sullenberger mun aðstoða.  Neytendur mega einfaldlega ekki sjá dagsljós.  Eiga bara að dvelja í myrkri einokun og okri. „Það er svo dýrt að flytja inn vörur því við erum á eyju.“  Mætti halda að við byggjum undir yfirborði jarðarinnar.

Okkar vandamál varðandi verslun er bændamafían og afturhaldssinnar sem vilja enga erlenda samkeppni. Þora einfaldlega ekki að taka þátt í henni. Hin íslenska framleiðsla á að vera sú eina sem við getum neytt.  Annað er eitrað drasl.  Þvílíkt bull og vitleysa!

Er komið nóg af því að smákóngar útgerðar og landbúnaðar skammti okkur verslunarfrelsi og vörur.  Hér gæti verið svo mun betra að búa ef við fengjum að velja og ráða sjálf.  Íslenskir framleiðendur þurfa ekki að örvænta.  Vörur þeirra munu seljast áfram í sama magni.  Enda gæðavara.

Hreppaflutningar hinir síðari eru hafnir undir forsæti Sigmundar Davíðs sem skilur ekkert í því að fimmtíu starfsmenn Fiskistofu og fjölskyldur þeirra vilji ekki flytja búferlum til Akureyrar.  Hrokinn svoleiðis lekur af manninum. Hvernig þætti honum ef Forsætisráðuneytið yrði flutt með einu pennastriki út á land?

Er ekki eitt ár nóg með svona vitleysing í forsæti?  Hvenær fær Sjálfstæðisflokkurinn nóg og slítur þessari vitleysu? Held svei mér að Bjarni Ben. yrði mun skárri forsætisráðherra en þetta Framsóknarfífl Pabbason.

Og er það bara ég eða fitnar forsætisráðherra meira með hverri mínútunni sem líður?  Er íslenski kúrinn eitthvað að klikka?  Maðurinn getur varla mælt lengur vegna hálsfitu.

Besserwisserar spá næsta hruni eftir tvö ár.  Ég segi október 2015…eða fyrr.  Með þessa stjórn er hyldýpið handan næsta horns.  Hjá henni varð ekkert hrun 2008.

Ég er svona og þannig vegna þess að hann eða hún gerðu hitt eða þetta sem hafði slæm áhrif á líf mitt.  Dreg það í efa.  Hver hlýtur að vera sinnar gæfu smiður.  Í gegnum lífið verðum við fyrir áföllum.  Sum þeirra eru öðrum um að kenna. Önnur okkur sjálfum.  Það heftir okkur fyrir lífstíð að benda sífellt fingri í stað þess að líta í eigin barm.

Reiðin er okkar versti óvinur.  Og færir okkur nær myrku hliðinni (the dark side).  Alveg eins og Yoda segir í Stjörnustríði.  Hatur étur okkur upp að innan og heftir okkur frá því að lifa eðlilegu lífi.  Fyrir utan það eru þessar tvær neikvæðu tilfinningar tímasóun.  Lífið er of stutt til að veita þeim nokkuð rými.

Fólk sem veltir sér upp úr reiði og hatri alla daga kemst ekkert áfram í lífinu. Er fast í eigin sjálfskaparvíti. Eyðir tíma sínum í að benda á aðra og kenna um vansæld sína.  Í stað þess að rífa sig upp úr sófanum og gera eitthvað skemmtilegt og uppbyggjandi.  Lifa.