Verktakar sem vissu ekki betur grófu í gegnum hluta af botnplötu dúfnahúss flughersins sem var staðsettur á Reykjavíkurflugvelli í seinna stríði.  Dúfurnar voru staðalbúnaður flugmanna ef senda þurfti út neyðarkall.

Jafnvel herstöðvarandstæðingur eins og Stefán Pálsson gerir sér grein fyrir mikilvægi þeirra fáu stríðsminja sem þó eru eftir.  Sögulegs gildis þeirra. Stríðið var okkar iðnbylting.  Harkalegt og þarft spark inn í nútímann.  Því verður ekkert neitað með því að eyðileggja minjar í kringum stærsta vitnisburð stríðsins:  flugvöllinn í Vatnsmýri.

Auðvitað á að vernda þessar fáu minjar sem eftir eru og gera þeim hátt undir höfði.  Sérstaklega fyrir breska og bandaríska ferðamenn sem án efa hafa áhuga á veru herliðs landa sinna hér í seinna stríði.  Búa til upplýsingaskyldi með myndum og teikningum af umfangi hernámsins. Hringja í sagnfræðingana Þór Whitehead, Eggert Þór Bernharðsson og Friðþór Eydal.  Get it done!

Hvorki hernámið né „ástandið“ er eitthvað sem við eigum að skammast okkur fyrir.  Bara hluti af sögu þjóðarinnar. Hvað með það þó afi hluta okkar hafi verið bandarískur eða breskur dáti!  Eigum bara að vera stolt af tengslunum, rækta þau og halda í heiðri.  Rétt eins og tengslum okkar við Norðurlöndin.

http://www.ruv.is/frett/hulin-hernamstid

Þeim fer blessunarlega sífellt fækkandi sem reykja að staðaldri á Íslandi. Stöðugur áróður hefur sín áhrif og eflaust himinhátt verð einnig.  Svo eru þessi grey hvergi velkomin lengur.  Rekin út í hvaða veðri sem er á heimilum og vinnustöðum.  Og nú vill bæjarfulltrúi í Kópavogi banna þeim að reykja í biðskýlum, á göngustígum, fyrir utan innganga að byggingum og öðrum almenningsrýmum utandyra.

Djöfull líst mér vel á þá hugmynd!  Er orðinn svo leiður á að þurfa hanga fyrir utan skýlin í alls kyns veðrum meðan fíklarnir sjúga líknaglana sína í skjóli fyrir veðrum og vindum.  Er minnistætt þegar þrjár skessur boluðu mér með látum úr skýlinu við Menntaskólann í Kópavogi.  Þær þurftu reyk og nenntu ekkert að hlusta á röflið í mér.

Reyndar er ég ekkert sérstaklega hrifinn af svona boðum og bönnum. Reykingarfólk á bara að finna hjá sjálfu sér hvar er viðeigandi að rífa upp rettuna.  Flestir bregða sér afsíðis fjarri inngöngum og úr biðskýlum.  En ekki sumir gestir okkar.  Má þakka fyrir að þeir skjóti ekki logandi stubbunum í andlitið á mér.  Engin tillitsemi þar.

Hvað er frjálslynt við Framsókn?  Einn mesta sérhagsmunavörð okkar samfélags.  Af hverju sækir leiðtogi þess alþjóðaþing frjálslyndra flokka í Rotterdam?  Getur það verið út af nafni flokksins á ensku; Progressive Party Fáranlegt!  Væri ekki nær að flestir aðrir flokkar myndu mæta þarna?

Mér verður óglatt í hvert sinn sem þessi forsætisráðherrabjáni birtist á skjánum með sitt óskiljanlega tuður.  Af hverju gerir hann mér og flestum öðrum ekki greiða og lætur sig hverfa?  Hvað var fjórðungur kjósenda að hugsa með því að leiða þennan kjána til valda?

Skuldaleiðrétting my ass!  Tómar sjónhverfingar.