Kannski er ég kominn með leg eða ætti að fara í kynleiðréttingu til að fá eitt slíkt. Skiptir ekki höfuðmáli. Svona greinar hreyfa við mér og segja svo margt um samfélag okkar þar sem kvalarar komast upp með ótrúlegustu hluti því það má ekki ræða þá. Þykir óþægilegt og jafnvel dónalegt. Sérstaklega ef þekktir aðilar eiga í hlut.
Hell On Wheels
Gaurinn á forsíðunni minni er aðalpersóna vestraþáttanna Hell On Wheels sem Tums bróðir kynnti mig fyrir um Jólin. Svalasti spaðinn á svæðinu. Fyrrverandi foringi í Suðurríkjaher sem endar sem verkstjóri við járnbrautarlögnina þvert yfir Bandaríkin eftir hefndarleiðangur sinn gegn Norðurríkjadátum sem myrtu fjölskyldu hans.
Spilling, indíánar, írskur ruslaralýður, hórur og mormónar. Þvílík skemmtun og drama. Minnst tveir eða þrír skotnir í hverjum þætti og þá aðallega af aðalpersónunni með Griswold & Gunnison hólkinum hans sem er reyndar Suðurríkjaeftirlíking af Colt og átti til að standa á sér í raunveruleikanum.
Bíð spenntur eftir fjórðu þáttaröðinni sem kemur út í sumar.
Við segjum ekki neitt
Halldór Kiljan Laxness kunni að orða hlutina. Jafnvel svo vel að orð hans eiga enn fullt erindi í dag:
„Í Íslandssögunni eru engin dæmi þess að landsmenn hafi nokkurn tíma risið upp gegn óréttlæti eða kúgun. Þetta er einstakt meðal þjóða Evrópu. Það er álitið að fáar þjóðir hafi þolað kúgun og yfirgang af meiri kurteisi og undirgefni en Íslendingar. Um aldaraðir, allt fram á þennan dag, lifðu þeir í skilningsríkri sáttfýsi við kúgun, án þess að gera nokkru sinni tilraun til uppreistar. Engri þjóð var byltingarhugtakið jafn framandi. Æfinlega voru Íslendingar reiðubúnir að kyssa þann vöndinn er sárast beit …“. Í stað þess að segja meiningu sína við kúgarana, þögðu Íslendingar, fóru heim af þeirra fundi og lömdu konuna og spörkuðu í hundinn. Íslendingum er genetískt lífsins ómögulegt að snúa spjótum sínum til baka að árásaraðilanum.“
Sorglega satt. Því miður. Núna leyfum við sitjandi hrunstjórn að ljúga að okkur og svíkja kosningaloforð sín hver af fætur öðru. Og segjum ekki neitt. Þannig er okkar lýðræði.
Þrasið 