Við erum eyjafólk og þar af leiðandi hrædd við fólk handan hafsins.  Aldirnar geyma sögur af vondum útlendingum sem vildu okkur aðeins illt.  Ef það voru ekki danskir herrar í Kaupmannahöfn þá voru það Spánverjarnir sem við myrtum fyrir að hleypa íslenskum heimasætum upp í seglskipið sitt. Gleymum ekki Tyrkjaráninu.

Löngu orðið ljóst að útlendingar eru illmenni upp til hópa.  Frekjudallar sem heimta að fá að reisa hér moskur á bestu stöðum borgarinnar.  Sumir þeirra vilja jafnvel fá að kaupa hálft hálendið undir golfvelli fyrir ríka Kínverja og austfirskar hafnir í framhaldinu.

Hérna sleppir reyndar kaldhæðninni hjá mér.  Finnst fátt fyndið við að einn helsti leiðtogi múslima hérlendis sé að heimta að tillit sé tekið til bænastunda í íslenska skólakerfinu.  TRÚ á einfaldlega ekki að stýra skólastarfi í grunnskólum. PUNKTUR. Mötuneyti ekki að taka svínakjöt af matseðli af tillitssemi við mikinn minnihluta nemenda.  Fólk velur einfaldlega og hafnar á diskinn sinn.

Svo birtist þessi sami maður skömmu seinna með konu sinni og barnabörnum til hjálparsamtaka með lambalæri og fjölmiðla í eftirdragi. Tilviljun. Tel ekki. Hann veit einfaldlega að hann er búinn að gera upp á bak með frekju sinni og neyðist til að bæta fyrir það. Ísland er ekki enn tilbúið að leggjast flatt fyrir Islam.  Erum enn að meðtaka Kristnina.

Ég var einn af þessum langtímaatvinnulausu.   Fékk engan jólabónus fyrsta árið (2009) og þraukaði því hátíðarnar með tóma vasa í það skiptið.  Þökk fyrir Mæðrastyrksnefnd og Fjölskylduhjálp Íslands.

Næstu Jól greiddi hin norræna velferðarstjórn út jólabónus svo maður gat gert sér glaðan dag eins og restin af þjóðinni.  Kann ég henni góðar þakkir fyrir.  Var mannleg stjórn þrátt fyrir bannisma Vinstri – Grænna.

Sitjandi heljarstjórn Vigdísar Hauksdóttur formanns fjárlaganefndar og meðlims hagræðingarnefndarinnar hlær bara að atvinnuleitendum og segir þeim að éta það sem úti frýs.  Felldi tillögu þess efnis að greiða út jólabónusa í ár.

Sem fyrrverandi langtíma atvinnuleitandi hræki ég á ríkisstjórnina fyrir að hafa Jólin af atvinnuleitendum.  Af hverju mega þau ekki halda hátíð eins og við hin? Lyfta upp andanum og brosa einn dag?  Borða góðan mat í góðra vina hópi og jafnvel gauka litlum gjöfum að börnum og barnabörnum?

Eftir þessa gerræðisákvörðun meirihluta fjárlaganefndar fer ég að hallast að þeirri skoðun fjölda fólks í samfélaginu að Vigdís Hauksdóttir sé útsendari hins illa í neðra. Hún virðist þrífast á því að svipta fólki hamingjunni.

Næst á dagsskrá hjá henni verður eflaust að leggja niður ALLAR bætur.  Hvaða nafni sem þær kunna að nefnast.  Öryrkjar og aldraðir.  Hafið varann á.  Vigdís Hauksdóttir er á leiðinni til ykkar með niðurskurðarsveðjuna sína hátt á lofti.

Tek nú heilshugar undir þær vangaveltur að Vigdís Hauksdóttir er orðin hættuleg íslensku samfélagi.  Hún hefur allt of mikil völd.   60 starfsmenn og verktakar RÚV eru án vinnu vegna þess að hún „er nú einu sinni í þessari hagræðingarnefnd og allt er undir.“  Helmingur starfsfólks Rásar 1 er horfinn af sviðinu.

Vonandi finnur DV eða Kjarninn einhvern veikan blett á Vigdísi svo við losnum við hana af þingi.  Landið þolir ekki mikið meira af hennar fasisma.  Annars óttast ég að einhver hvatvís byssueigandi heimsæki hana með hlaðinn hólk.  Varla viljum við það?

Dragðu þig í hlé Vigdís!

http://www.visir.is/ordsending-til-islenskra-karlmanna/article/2013711309979

Ægileg öskur hafa hljómað á netinu vegna þessarar þörfu greinar sem birtist í tilefni 16 daga átaks gegn kynbundnu ofbeldi.  Hvernig dirfist konan að spyrða okkur saman við nauðgara og þaðan af verra?  –  Eeehhh, kannski vegna þess að við karlar eigum það skilið.

Hér ríkir þvílík nauðganamenning að það hálfa væri nóg.  Ota skal tota hvar sem honum verður komið fyrir.  Sofandi stelpur geta hvorki svarað játandi né neitandi og eru því eðlileg og réttmæt skotmörk.  Eða það virðist miðað við öll tilvikin sem ráðist er á þær í værum blundi og/eða undir áhrifum.

Stafa öskrin út af því að verið er að hafa þessi tækifæri af karlpeningnum?  Taka frá þeim möguleikann á að losa ef höslið gengur ekki upp í miðbænum.  Hvaða máli skiptir það?  Hún er sofandi og mun aldrei komast að neinu.  Eða hvað?

Ég velti fyrir mér hvort að þeir sem fetta fingur út í grein Hrafnhildar hafi ekki bara eitthvað slæmt á samviskunni.  Orð hennar eru sárasaklaus en stuða þó þá sem finnst frekja af henni að heimta að við hugsum okkar gang og gerum samfélagið öruggara fyrir konur.

Verið ekki svona viðkvæmir!  Hrafnhildur er ekki að ráðast persónulega á ykkur, heldur að reyna fá ykkur til að staldra við og hugsa.  Taka afstöðu gegn kynbundnu ofbeldi.  Er það til of mikils mælst?