Allt að gerast hjá bófaflokkunum.  Útgerðarmenn hafa fengið sitt.  Annað efnafólk einnig.  Aukið fé í æðstu stjórn og flokka landsins.  Aðstoðarmenn út um allt. Bændur óáreittir fyrir utan samtök þeirra.

Hefnd Vigdísar Hauksdóttur rættist í vikunni því hún „er náttúrulega í þessari hagræðingarnefnd.“  Hálfur milljarður í niðurskurð, 39 manns og 21 í viðbót í tímabundnum verkefnum fá sparkið.  Allt vegna þess að einhver móðgaði Vigdísi Hauksdóttur með því að flytja óritskoðuð orð hennar í útvarpi og sjónvarpi.  Orð hennar eru rándýr!  Djöfull hlýtur daman hafa djammað þessa helgi.

Næst á dagsskrá er að koma 365 miðlum og Skjá Einum undir Landsbankann og svo færa þá fjölmiðla í „réttar“ hendur.  Þá verða þeir flestir komnir undir stjórn bófaflokkanna.  Stefán Jón Hafstein veit hvað hann segir.  Að lama RÚV er fyrsta skrefið.

„Þetta er ógeðslegt þjóðfélag“ segir Styrmir Gunnarsson í skýrslu rannsóknarnefndar Alþingis 2009.  Trúið mér.  Ekkert hefur breyst síðan þá.

Þá getur þjóðin loksins haldið Jól.  Skuldaniðurfellingatillögurnar komnar fram og reynast auðvitað vera fugl í skógi.  Fjármögnun annars vegar séreignarlífeyrir landsmanna sem er löngu uppurinn og svo bankaskattur sem óvíst er að standist lög.

Engir 200 milljarðar beint frá hrægammasjóðunum og ávísun STRAX í pósti. Reyndar er „strax“ teygjanlegt hugtak samkvæmt Vigdísi Hauksdóttur.  Jafnvel heilt kjörtímabil eins og tillögurnar segja til um.  Alveg eins og mig grunaði.

Nú get ég loksins fullyrt að fjórðungur kjósenda séu trúgjarnir og barnalegir bjánar. Hvað voruð þið að hugsa með að gera þennan trúð að forsætisráðherra! Þá var nú hin norræna velferðarstjórn skárri.  Hún lofaði þó ekki svona illilega upp í ermina á sér.  Notaði reyndar orðið „skjaldborg“ eftir kosningar.  Eitthvað sem hún gat ekki staðið við frekar en núverandi stjórn.

Rétt er að leyfa hátíðunum að líða og efna svo til annarrar búsáhaldabyltingar á nýju ári.  Eða einfaldlega ljúka þeirri sem hófst fyrir fimm árum síðan. Augljóslega misráðið að rétta hrunflokkunum aftur völdin.  Hafa ekkert lært.  Kunna ekki að skammast sín.  Fjögurra ára hvíld var greinilega ekki næg.

Því miður óttast ég að samlandar mínir muni bara malda í móinn og smyrja afturendana meira fyrir komandi tíð.  Beygja sig betur í veikri von um að sársaukinn minnki.

Nú er verið að eltast við flóttamann í felum sem segist eiga von á barni með flóttakonu og því megi ekki reka hann úr landi.  Upphaflega ætlaði gaurinn að hitta þáverandi unnustu sína í Kanada en millilenti hér.  Nú er komið að því að sparka honum úr landi og þá taka einhverjir hippar sig til og fela hann fyrir yfirvöldum.

Þrátt fyrir að Innanríkisráðuneytið sé ranglega búið að leka út að maðurinn sé grunaður um tvöfalt ef ekki þrefalt mansal þegar talin er með konan sem kveðst ganga með barn hans undir belti.  Svo á hann fyrir íslenska unnustu.

Svona einstaklinga vill hippalýðurinn fá inn í landið.  „Misskilda“ glæpamenn frá Afríku sem halda áfram á sinni glæpabraut hérlendis.  Fjölmenningin er svo frábær með svona kauða innanborðs.  Æðislegt, frábært, flott!