Tók eftir því að útsendarar RÚV voru sendir á kosningavökur gagnstæðar skoðunum þeirra.  Sjálfstæðisdúkkan á vöku Samfylkingar og öfugt.  Hefðu mátt loka Boga Ágústsson inni í skáp.  Svo æstur varð hann í hvert sinn sem betur glitti í nýja stjórn hrunflokkanna.  Hélt um tíma að hann myndi míga á sig af spenningi.

ÖMURLEG ÚRSLIT!  Er í skapi næst að koma mér af þessum kletti sem snöggvast.  Hvers konar heilaleysingjar og hálfvitar byggja þetta sker eiginlega!?  Haldið þið virkilega að nýtt eyðslutímabil sé í vændum.  Reinsi og innbú?

Jú, kannski, ef bankarnir spila með og taka aftur þátt í bullinu. Uppgangsskeið út á krít er ávísun á annað hrun.  Svo lítið kann ég í hagfræði.  Taldi samlanda mína vita betur eftir að þessir tveir flokkar settu landið næstum því á hausinn.

Fólk út í heimi hristir hausinn yfir heimsku okkar og skilur hvorki upp né niður.  Svona svipað og ef Þjóðverjar tækju upp á því að kjósa nasista aftur yfir sig.  Ég kalla þetta stærsta þjóðarsjálfsmorð sögunnar.

Ekki koma grátandi til mín þegar ljóst verður að innantóm loforðin verða ekki efnd.  Ekki halla höfði á öxl mína þegar helmingaskiptin hefjast á ný.  Ekki benda á mig heldur lítið í spegil þegar syrta fer í álinn á næsta kjörtímabili. ÞIÐ kusuð þessa hörmung yfir ykkur!

„Faðir, fyrirgef þeim því að þeir vita ekki hvað þeir gera.“  (Lúkasarguðspjall 23:34)

Kjördagur runninn upp og það lítur út fyrir að helmingur þjóðarinnar ætli að kjósa yfir sig hrunflokkana.  Minnið hjá þessu liði er eins og lélegur harður diskur sem er straujaður á fjögurra ára fresti.  Guð hjálpi þeim því þau vita eigi hvað þau gjöra.

Sjálfur er ég aftur orðinn óákveðinn.  Finnst rangt að verðlauna kratana fyrir að setja stjórnarskránna á ís, semja lyfjafrumvarpið og féfletta öryrkja og gamalmenni.  Norræn velferðarstjórn my ass!  Og ekki er skárra að splæsa atkvæðinu í VG.  Jafnvel þó Kata sé ágæt.

Ákveð mig sennilega inn í kjörklefanum.  Dúndra atkvæðinu á einhvert nýju framboðanna.  Ugla sat á kvisti….