13. mars 2013 kl. 22:20:  Loksins orðinn fertugur! Atvinnulaus án bóta og ferðafrelsis, barnlaus, eignalaus, gráhærður, þunnhærður offitusjúklingur með áunna sykursýki og of háan blóðþrýsting sem er haldið niðri með hnefafylli af töflum dag hvern.  GLÆSILEGT!

Má víst þakka fyrir reykleysið og að drekka mig ekki lengur í svefn. Framtíðin er björt en samt ekki svo björt að ég fari að kjósa Bjarta Framtíð Framsóknar og Samfylkingar.  Ég þekki úlfa í sauðagæru.

Fannst ég vera mun eldri þegar ég varð þrítugur en í gær.  Varð eitthvað svo rosalega gamall þá.  Og fór líka endanlega út af sporinu næstu ár á eftir.  Núna líður mér eins og nýslegnum túskildingi.

Laus við barnalegt ruglið og vanmáttinn.  Sjálfshatrið og kjarkleysið. Reiðina. Engan veginn fullkominn en í ferli í átt að sjálfum mér.  Hlakka til að hitta mig þegar þar að kemur.

Andskotinn!!!  Klukkuna vantar kortér í fertugt.  Rosalega er maður orðinn aldraður.  Passlegt að panta pláss á elliheimilinu.  Sækja um lífeyrir.  Setjast í helgan stein.

Nei, ætli það.  Kominn tími til að hætta þessu hangsi og fara gera eitthvað af viti.  Á bara eftir að komast að því hvað mig langar til að verða þegar ég verð stór.

Ég minnist orða eins samnemanda míns í MK á föstudagsfundi inn á sal: „Lýðræði er ekki alltaf besti kosturinn.“  Skil fyrst núna hvað hann meinar. Fulltrúalýðræðið mun koma okkur í gröfina við næstu kosningar.  Svo einfalt sem það nú er.

Íslendingar eru fífl upp til hópa sem kjósa yfir sig þá vitleysinga sem lofa hvað mestu.  Nema síðast þegar við vissum að einhver þurfti að hreinsa upp viðbjóðinn eftir hrunið.  Sjálfur myndi ég kjósa aftur annan hvorn þeirra flokka ef ekki væri fyrir meðhöndlun þeirra á stjórnarskrárfrumvarpinu.

Eðli þingmanna virðist vera að vilja ENGAR breytingar á stjórnarskránni því núverandi skjal veitir þeim frelsi til að sukka og svínast eins og þeir vilja. Að veita lýðnum meiri völd er eitur í beinum þingmanna.  þess vegna neyðumst við til að leggja Alþingi tímabundið niður til að koma nýrri stjórnarskrá fólksins í gegn.

Allt of lengi hefur þingheimur verið úr takti við vilja fólksins í landinu.  Enda í vinnu fyrir elítuna en ekki hinn almenna launþega.  Þess vegna gufaði skjaldborgin um heimili landssins upp eins og dögg fyrir sólu.  Þingmenn fá augljóslega feita dúsu frá skilanefndum bankanna í ómerktum umslögum.

Persónulega finnst mér löngu tímabært að byssukjaftarnir fái að gelta að þessum spillingaröflum sem halda þorra þjóðarinnar niðri með græðgi sinni og frekju.  Í flestum löndum væri búið að móta steypuklump um fætur þessa aðila og sökkva þeim í hafið.

En nei, ekki hér.  Við elskum greinilega að láta taka okkur í ósmurt rassgatið og erum stolt af því.  Nándin er of mikil.  Allir þekkja flesta.  Enginn vill taka fyrsta skrefið og kaupa sement og sand.