Umfjöllun Kastljóss á glæpum Karl Vignirs kveikti í þjóðinni. Í kjölfarið fá barnaníðingar sem töldu sig hólpna verðskilið kjaftshögg.  Einn af þeim hleypti reyndar af haglarum sínum að húsi fórnarlambs síns á Eyrarbakka.  Sá er nú í haldi.

Löngu tímabært að hreinsa samfélagið af níðingum sem hafa fengið að vaða uppi undir þagnarskyldi áratugum saman.  Fórnarlömbin fá loksins að rjúfa þögnina og segja sögu sína án þess að vera talin lygarar.

Eflaust er ég eitthvað skrítinn í hugsun en mér finnst asnalegt þegar miðaldra menn á Íslandi sem stunda Cross Fit taka sér nafn fræknustu fallhlífarsveit Bandaríkjahers í seinna stríði; Easy Company, 2nd Battalion, 506th PIR, 101st Airborne.

Sveitin sú er í aðalhlutverki í Band Of Brothers bálki Tom Hanks og Steven Spielberg.  Þessir menn hentu sér út úr DC3 Douglas flugvélum (þristum) yfir Frakklandi í gegnum loftvarnarskothríð og vélbyssur nóttina fyrir D-Day (6. júní 1944).  Og héldu sigurgöngu sinni áfram til stríðsloka.

Ég veit ekki best.  Svo mikið er ljóst.  Þess vegna finnst mér asnalegt að afskrifa álit nær fjörtíu prósent þjóðarinnar sem ætlar sér að kjósa Sjálfstæðisflokkinn í vor.  Þrátt fyrir ríka aðkomu þeirra að hruninu.

Hatur og hefnigirnd færir okkur ekkert áfram.  Sem þjóð verðum við að vinna saman til að krafsa okkur upp úr kreppunni.  Gott og blessað að íhaldið vill ekki viðurkenna neina sök.  Það er þeirra innanbúðarmál.  Þeirra samviska.

Ný forysta Samfylkingarinnar er tilbúin til samstarfs við Sjálfstæðisflokkinn. Jóhanna af Örk er hætt og gengin í raðir ellilífeyrisþega.  Hefðu Guðbjartur og Oddný verið kosin þá hefði horft öðruvísi við.

Hleypum ekki Framsókn að kjötkötlunum.  Þrátt fyrir að sá flokkur hafði rétt fyrir sér í Icesavedómsmálinu gagnvart EFTA.  Við höfðum nefnilega flest rétt fyrir okkur þvert yfir flokkslínur.