Loksins smá sigur fyrir ritfrelsið á Íslandi. Mannréttindadómstóll Evrópu dæmir tveimur blaðakonum í vil og áréttar að það er ekki hægt að dæma þig fyrir að hafa eftir orð viðmælanda þíns eins og íslenskir dómstólar hafa verið að gera síðustu árin.

Fólk hefur ekki einu sinni mátt vitna í opinber gögn eins og gamla dóma eða gamlar blaðagreinar.  Allt dæmt dautt og ómerkt og háar fésektir lagðar á þá sem voga sér að segja sannleikann. Nú verða þeir dómar vonandi leiðréttir og látnir ganga til baka og sektirnar líka.

Dómstólar landsins eiga að skammast sín og hreinsa út þá dómara sem hafa dæmt á þennan hátt.  Þetta lið hefur greinilega lesið lagabálkinn á hvolfi í háskóla!

Þorði ekki annað en að gegna mömmu og dröslast austur í Fljótshlíð á ættarmót. Þó það væri ekki nema yfir daginn.  Nennti ekki að gista.  Við bræður og gaurarnir hans skildum svo gömlu eftir þegar við brunuðum í bæinn seint um kvöldið.

Langaði eiginlega ekki að mæta enda ferleg mannafæla en sé svo ekki eftir því. Skil ekkert hvaðan ég hef þessa fælni – DJÓK!  Hafði ekkert að óttast enda fólkið hennar Fjólu ömmu einstaklega vinalegt og skemmtilegt.  Mjög fallegt og gróðursælt þarna í sveitinni og flott útsýni.

Í bakaleiðinni skutluðum við frænku á Bestu hátíðina.  Rosalega fannst mér ég vera orðinn gamall við að sjá unga fólkið skemmta sér.  Reyndar skar einn sköllóttur sig úr á bílastæðinu. Sennilega útlendur gaur á mínum aldri eða eldri í gráum flauels Adidasgalla með gullkeðju um hálsinn. Kannski er enn pláss fyrir risaeðlur eins og mig á útihátíðum!?

Æ, mikið er gott að þessar kosningar eru að baki.  Þá þarf ég ekki að æsa mig meira út af þeim.  Var enda óþarfi því þetta er nær valdalaust embætti.  Bara forsetinn sem gerir sér ekki grein fyrir þeirri staðreynd.

Leiðarljós (Guiding Light) tekið af dagsskrá vegna einhverra höfundarréttarmála úti.   Sem er sennilega tómt bull og þvættingur.  RÚV tímir bara ekki lengur að kaupa seríuna.  Við tekur einhver þýsk sápuópera.  ÞÝSK!!!  Hver nennir á glápa á slík leiðindi.

Mér finnst dagsskráin á RÚV vera að fyllast af evrópskum leiðindum.  Sennilega til að fylla 45% kvótann í nýjum lögum um stofnunina.  Gera okkur meira evrópskari í stað amerísk.  Langt er seilst til að koma okkur inn í ESB.

Annars skiptir þetta engu máli.  Sjónvarpsstöðvar eru að verða úreltar.  Fólk stjórnar sinni dagsskrá sjálft með netinu.  Og þegar blessaðir kommúnistarnir í menntamálaráðuneytinu fatta það, þá munu þeir reyna að stjórna netumferð inn í landið.

Risaeðlur niður á Alþingi neita að stíga inn í nútímann og minnka pappírsflóðið með því að nota spjaldtölvur.  Frekar á að halda áfram að prenta út öll skjöl í 63 eintökum fyrir 30 milljónir á ári. Tölvurnar myndu spara þennan kostnað um meira en helming.

Sveitalubbi eins og Steingrímur Joð má ekki til þess hugsa að leggja frá sér yfirstrikunarpennann sem hann mundar svo ótt og títt í þingsal meðan röflað er yfir hausamótunum á honum. Sendum þingheim á tölvunámskeið!