Enn eitt ættarmótið framundan og ætlast er til að ég mæti sem fulltrúi allra systkina minna.  Nenni þessu ekki lengur. Mætið bara sjálf!  Mér leiðist að þurfa að deila þröngu rými með öðru fólki og er ekkert feiminn við að viðurkenna það.

Er haldinn slæmri innilokunarkennd og fæ köfnunartilfinningu ef loft að utan blæs ekki óhindrað inn þar sem ég sef.  Og verð að hafa að minnsta kosti tvær útgönguleiðir.  Annars fríka ég út. Gruna stundum að ég hafi verið sleðahundur í fyrra lífi.

Í viðtali við þáttastjórnendur Armageddon á X-inu FM97.7 lýsti Þóra að hún væri utan við trúfélög og ekki kristinnar trúar.  Þetta eiga netmiðlar og fávitar sem verma athugasemdakerfi þeirra eftir að grípa á lofti.

Hver er í raun kristinn á þessu hundheiðna landi?  Við hýsum fjölmörg hlið að Helvíti í gegnum eldfjöllinn okkar.  Sótt var að sjálfum Ólafi Ragnari árið 1996 fyrir trúleysi en hann laug sig út úr því með því að þykjast trúa á Guð.  Þóra er hugrakkari en svo.

Merkilegast fannst mér lokasvar hennar.  Að hún myndi ekki bjóða sig aftur fram að fjórum árum liðnum ef hún myndi tapa þessum kosningum.  Þar hafið þið það sem teljið Þóru of unga og eiga ekkert erindi inn á Bessastaði fyrr en kamelljónið ÓRG hefur lokið sér af.

Tækifærið gefst aðeins núna.  Framtíðin þolir enga bið.  X-ÞÓRA!

Mér finnst svo skrítið að karlmenn nálægt mér og Þóru Arnórsdóttur í aldri skuli finna henni allt til foráttu.  Nefna mann hennar sem afsökun fyrir að kjósa hana ekki eða hve ung börn þau eiga.  Þessu halda menn fram sem eru sjálfir í nákvæmlega sömu sporum í bullandi uppeldi.

Sem segir allt sem segja þarf um viðkomandi karlpunga. Þeir munu greinilega aldrei styðja sínar konur jafn dyggilega og Svavar Halldórsson gerir einmitt núna.  Munu aldrei fórna eigin starfi til að fylgja konu sinni eftir út í framboð.  Í þeirra augum eiga konur bara heima bak við eldavélina og með útglennta fætur í lok dags.

Svo voga þessir pungar sér að kalla Svavar ofbeldismann fyrir eitthvað sem hvaða faðir myndi gera ef honum yrðu meinaðar samvistir með börnunum sínum.  Og fyrir að lenda í slagsmálum eftir ball. Hver okkar hefur ekki lent í álíka rugli?

Ég vorkenni dætrum ykkar!