Helmingur þjóðarinnar gekk jarmandi eins og lömb á leið til slátrunar inn í kjörklefann og krossaði slefandi við Ólaf.  „Þá sagði Jesús: Faðir, fyrirgef þeim því að þeir vita ekki hvað þeir gera.“ (Lúkasarguðspjall 23:34)

Mér finnst einsýnt að nú sé búið að breyta forseta í konung.  Við losnum ekki við grísinn fyrr en hann hrekkur upp af í embætti eins og Sveinn Björnsson heitinn.  Og þá tekur önnur dætra (sú frekari) hans við eða einhver annar honum þóknanlegur.

Ástæða er til að óttast framtíðina þegar sauðdrukknir Heimdellingar fagna með lófataki niður í Valhöll kjöri gamals komma. Eins þegar helsti stuðningsmaður hans er Guðni Ágústsson uppistandari fjósafasista.

Fróðlegast er þó að fá staðfest að helmingur þjóðarinnar telur að hér á Íslandi hafi aðeins orðið „meint“ hrun. Að klappstýrustörf fyrir þjófa og ræningjalýð skipti engu máli og fyrir það eigi ekki að refsa í kjörklefanum.

Að ári mun Sjálfgræðgisframsóknarflokkurinn setjast aftur að kjötkötlunum.  Og það með þennan gosa sem forseta.  Árið 2007 mun snúa aftur með öllum sínum viðbjóði.  Grætt á daginn og grillað á kvöldin.  Fjör og fálkaorður á Bessastöðum.

Er skapi næst að prófa hvort forsetakerran sé skotheld með ímyndaða rússneska árásarrifflinum mínum.  –  Nei, ég segi svona. Mér verður nákvæmlega sama eftir helgi.  Þá verður allt gleymt og ÓRG byrjaður að lóðsa Kínverja hingað.

Ég er frekar einföld sál og auðblekktur.  Þegar ég er latur og nenni ekki að hreyfa mig, þá geri ég mér upp erindi í verslanir lengra í burtu.  Annars fæst ég ekki upp úr sófanum. Getur orðið svo niðurdrepandi að láta ræna sig marga daga í röð af hverfissjoppunni.

Í gær þrammaði ég í Nettó í Mjódd.  Til að leiðast ekki gerði ég mér far um að þræða hliðargötur.  Sá margt breytt og nýtt. Enda var ég ekkert að flýta mér og settist reglulega niður svo ég fengi ekki kransæðastíflu á leiðinni.  Nenni nefnilega ekki að deyja út á götu eins og róni.

11-11 í Þverbrekku er orðin að sólarhringsbúð 10-11.  Án efa til mikillar gleði fyrir íbúana þar í kring.  Gamla KFUK/KFUK-húsið við Lyngheiði er orðið að raðhúsi.  Sennilega fyrir löngu síðan. VAKA flutt inn þar sem hjálpartækjamiðstöð Tryggingastofnar var á Smiðjuvegi og Jói vinur skúraði á kvöldin.

Fólkið í Mjóddinni er þó jafn skrítið og áður.  Og dagdrykkjufólkið situr enn í rjóðrinu rétt hjá Strætó. Sem er gott að vita.  Þá er bara að skipuleggja hvert ég þramma í dag.  Einhverjar hugmyndir?

Þær voru kallaðar Scary (Melanie Brown), Baby (Emma Bunton), Ginger (Geri Halliwell), Posh (Victoria Adams/Beckham) og Sporty (Melanie Chisholm).  Spice Girls yfirtóku heiminn árið 1996 með laginu Wannabe.  „Girlpower“ var orðin staðreynd.

Allar stelpur (og margir strákar) veggfóðruðu herbergin sín með plakötum af sveitinni og keyptu diskana þeirra ásamt allskyns öðrum varningi. Markaðssetningin er enn í dag talin ein sú best heppnaða og arðvænlegasta í sögunni.  Samt gáfu þær bara út þrjár stórar plötur.

Nú á að setja upp söngleik með lögunum þeirra sem mun án efa slá í gegn.  Þvílík snilld!