Merkileg umræðan um auknar heimildir til að veita barnungum stúlkum getnaðarvarnarpilluna svo þær verði ekki óléttar.  Eins og það leysi einhvern vanda.  Er ekki nær að fræða ungar stúlkur um kynlíf og mögulegar afleiðingar þess.

Til að mynda er talið að stúlkur eigi ekki að byrja að stunda reglubundið kynlíf fyrr enn um 16 -18 ára aldur.  Þá verða leggöngin fyrst nógu þroskuð.  Annars er hætta á hverskyns kjallaravandamálum síðar á ævinni vegna þess hve veggir legganganna eru þunnir við ungan aldur.  Aukin hætta er á sýkingum með ótímabæru og óvörðu samlífi.

Þess vegna er smokkurinn eina raunhæfa getnaðarvörnin fyrir bæði ungar stúlkur og unga stráka.  Pillan er ekki að fara gera neitt svona snemma á æviskeiðinu.  Er raunar ævarandi vandræðagemlingur sem firrar karlmenn ábyrgð og veldur óæskilegum hormónabreytingum hjá konum.

Framboðstilkynning Þóru Arnórsdóttur hefur víða hlotið hylli.  Nema helst hjá helbláum Sjöllum af gamla skólanum sem sjá bara Ingibjörgu Sólrúnu á forsetastóli að samþykkja alla villtustu óra Samfylkingarinnar og greiða leið landsins inn í ESB framhjá þjóðaratkvæðagreiðslu.

Svanhildur Hólm Valsdóttir starfsmaður þingflokks Sjálfstæðisfólks hlýtur þá að horfa fram á uppsögn samkvæmt þessu.  Ekki aðeins er hún góð vinkona Þóru heldur styður hana opinberlega.

Eða eru kannski bara gamlir, tannlausir flokkshundar að gelta að næsta forseta lýðveldisins?  Úreltir kaldastríðsjálkar sem skynja ekki vitjunartíma sinn.  Að ný kynslóð er að taka við stjórnartaumum í landinu.

Fyrst kjósum við forseta sem er ekki kominn á eftirlaun.  Svo hreinsum við Alþingi af fólki sem hefur hangið þar allt, allt, of lengi.  Verið áskrifendur af þingsætum sínum í allt að þrjátíu til fjörtíu ár.  Slíkt fólk er ekki líklegt til að koma með lausnir.  Það er fast í gömlum tíma.

Og helbláum til upplýsingar þá er Þóra af vestfirskum eðalkrataættum.  Afi hennar var Hannibal Valdimarsson.  Samfylkingin er langt í frá krataflokkur fyrir utan Jóhönnu Sigurðardóttur forsætisráðherra.  Restin er gamalt Alþýðubandalagsfólk sem nennti ekki að fá Steingrím Joð sem formann.

Sá Reykjavík-Rotterdam um helgina.  Ísland hlýtur að vera eina vestræna landið þar sem það margborgar sig að smygla inn áfengi sjóleiðina.  Draslið er svo dýrt úr einokunarverslun ríkissins.

Enda skellihlær hollenski glæpahundurinn þegar hann reynir að útskýra þessa grátlegu staðreynd fyrir samverkamönnum sínum í myndinni.

Reyndar eru farmenn sennilega hættir þessu sopasvindli og búnir að snúa sér að hvítu nefdufti sem tekur minna pláss og er hægt að fela hvar sem er í stóru skipi.

Hver veit nema að það breytist aftur með ört hækkandi áfengisverði í boði Skattgríms Joð.  Að lítri af vodka skuli kosta 6 – 7 þúsund út úr Vínbúð nær ekki nokkurri átt.  Eða bjór 350 – 400 krónur.

En það skiptir engu máli þó hrunflokkarnir taki aftur við.  Þeir hafa bara áhuga á að svíkja almenning enn betur í gegnum bankana.  Er skítsama þó skítugur almúginn hafi ekki efni á smá brjóstbirtu meðan hann er rúinn inn að skinni.

Sjálfselskuflokkurinn lofaði því árum saman að koma léttvíni og bjór í matvöruverslanir.  Firraði sig svo allri ábyrgð með því að setja umræðu um frumvarpið á dagsskrá á allra versta kvöldi búsáhaldarbyltingarinnar þegar allt ætlaði um koll að keyra.

Þannig hvarf sú mögulega réttarbót og hefur ekki verið nefnd síðan í sölum Alþingis.  Er víst óvinsælt að láta frá sér skattstofna í niðursveiflu.  Hvað þá mjólkurkú eins og ÁTVR.