JPZ er kallakall.

Og sem kallakall og þingmaður Sjálfgræðgisflokksins, þá veit hann allt bezt.

Veit jafnvel hvað ungum konum er fyrir bestu. Að sleppa helst öllu framapoti og menntun. Verða sem fyrst berfættar og barnshafandi fyrir framan eldavélarnar því þúsund ára náttúruval segir svo til um.

Held að JPZ hafi með þessari færslu á X verið að tilkynna flutning sinn yfir í Miðflokkinn.

Leið 28 úr Dalaþingi laugardaginn 25. apríl kl. 19:32. Erlent par við stýri. Hún ók meðan hann sagði henni til á einhverju hrognamáli sem ég skyldi ekki.

Frekar fámennt í vagninum fram að Smáralind þegar sex tólf ára krakkar stormuðu inn. Kom fljótt í ljós að þau höfðu stigið inn í vitlausan vagn. Voru á leið í Hörðuvallaskóla en þessi í Hamraborg.

Þegar einn af þeim spurði bílstjórann hvert við værum að fara svaraði snakksmjattandi kærastinn: „english please, english“. Fékk upp í kok og hoppaði út við MK og tók fjarkann heim þaðan.

Við tölum íslensku hér!

…hvernig farþegar Borgarlínu eiga að komast yfir akreinar beggja megin við borgarlínuna. Yfir brú, undir götuna eða kannski bara gamaldags ljósstýrða gangbraut sem mun hægja enn frekar á umferð beggja átta.

Og af hverju þarf gang- og hjólastíg beggja megin á Suðurlandsbraut þegar annar er þegar til staðar í Laugardalnum? Má þá kannski hlífa bílastæðum sunnan megin hjá fyrirtækjum.

Finnst eins og skipuleggjendur Borgarlínu viti alveg að dæmið gengur engan veginn upp en dæli samt út teikningum sem standast enga skoðun. Vita eflaust að þetta mun aldrei fara í framkvæmd. Eru bara leiktjöld svo hægt sé að þétta byggð og byggja rándýrar íbúðir meðfram fyrirhugaðri borgarlínu.

Einfaldast væri bara að búa til meira rými fyrir strætó beggja megin á stofnbrautum. Jafnvel fórna hægri akreiðinni þar sem þær eru bara tvær. Rauðar akreinar sem aðeins strætó, sjúkrabifreiðar og leigubílar mega nota. Og fjölga ferðum enn frekar á álagstímum. Rafvæða flotann í heild sinni.

Og snúa við einkavinavæðingu Strætó s.f. Nú þegar eru tveir þriðju vagnanna í eigu einhverra verktaka og stefnan á að allir verði það innan þriggja ára. Hvaða endemis vitleysa er það eiginlega! Að reka eldgamla og orkufreka vagna á flestum leiðum með misdónalegum bílstjórum sem margir skilja hvorki íslensku né ensku og eru alltaf í símanum.

Gömlu tímana gefðu mér með síðasta lag fyrir fréttir á Rás 1 og íslenska bílstjóra sem hleyptu manní út þegar maður hringdi bjöllunni tímanlega og óku ekki um götur borgarinnar eins og andskotinn væri á eftir þeim. Þegar hægt var að sitja í rólegheitum og horfa út um gluggann án hávaða frá snjallsímum samfarþega.

Kannski væri best að leggja megnið af Strætó niður og sameina restina við Pant akstursþjónustu og leigubílastöðvarnar. Farþegar með bílpróf myndu svo fá myndarlegan styrk til að kaupa rafbíl á nokkurra ára fresti til að fara ferða sinna um borgina. Allt betra en þessi bannsetta borgarlína sem aldrei mun koma.