er þegar karlmenn í annars frjálslyndu og vestrænu samfélagi í stöðugri framþróun vilja staldra við og jafnvel snúa til baka til „betri tíma“ þegar karlmenn réðu öllu, konur voru þægar og prúðar á bak við eldavélina og samkynhneigðir kyrfilega lokaðir inn í skáp.

Þrír lærisveinar þessara leppalúða voru niður í bæ í gær með gelbyssur skjótandi á gleðigönguna veifandi tyrkneska fánanum. Mál þeirra fara fyrir barnavernaryfirvöld sökum ungs aldurs. Móðir eins þeirra segir að drengurinn hennar hafi ekki fengið slíkt uppeldi frá sér heldur föður sínum sem hún deilir forræði með. Að hann sé áhrifagjarn og í raun ekki svona þenkjandi.

Gott og vel. Vonandi hristir hann þetta af sér og leitar í skárri félagsskap í framtíðinni. Svo sorglegt þegar einhverjir súrir gaurar vilja ekki leyfa öðrum að njóta sama frelsis og þeir hafa notið áhyggjulausir alla ævi. Hoppa bara hugsunarlaust á vagninn með Ron DeSantis, Donald Trump, Jordan Peterson, Andrew Tate, Begga Ólafs, Frosta Logasyni og allri hans hirð á Brotkastinu og telja ræpuna þeirra sannleikann sjálfan.

Verslunarmannahelgarsukkið er að baki. Næst á dagskrá eru hinsegin dagar og fiskidagurinn mikli. Tveir ólíkir atburðir sem ná hámarki sínu næstkomandi laugardag. Gleðigöngu og ofáti á ókeypis fiski og tónleikum.

Loksins fá skuldahalarnir að flykkjast norður á Dalvík í fiskisúpu, fiskrétti og tónleika í boði Samherja sem virðist hættur í fýlu út í þjóð sína. Tjaldsvæðið strax byrjað að fyllast af fólki sem þráir að eyða nóttum í handarkrika næsta manns. Til þess er jú leikurinn gerður. Hlussast saman á sama frímerkið.

Þétt dagskrá gleðidaga verður út vikuna með gleðigöngunni á laugardag. Margt flott stöff í boði fyrir fólk sem er ekki með hausinn sinn kyrfilega fastan upp í rassgatinu á sjálfu sér í fóbíu. Fólk sem styður baráttuna og er ekki skerandi niður regnbogafána af fánastöngum bensínstöðva um miðjar nætur.

Gleðilega hátíð hinsegin fólk og eigendur skuldahala. Vonandi skemmtið þið ykkur vel!

Stærsta ferðahelgi ársins senn að baki. Fólk flykkist til síns heima. Vonandi skemmtu þau sér vel.

Mest um vert að fólk komist óskaddað heim. Ónauðgað, óbarin og lifandi frá þjóðvegum landsins.

Engin dauðaslys verið tilkynnt ennþá, en nokkrar nauðganir og ofbeldisbrot. Svona svipað og um hverja helgi í miðbænum.

Karl Gauti Hjaltason lögreglustjóri í Eyjum hrósar sér og sínum þó mest fyrir að hafa náð einhverjum neysluskömmtum af vafasömum aðilum með hjálp fíkniefnaleitarhunda. Og hvað með það! Er ekki hlutverk lögreglunnar að vernda fólk fyrst og fremst heldur en að vera eltast við eitthvert duft.

Magnús Kjartan Eyjólfsson stýrði brekkusöngnum af stakri snilld. Með sterka og flotta rödd og spilar mun betur á gítar en karlanginn Árni heitinn Johnsen eða hrokagikkurinn og gagnfræðaskólafíkillinn Bingó reðurguð sem talaði alltaf niður til kvenna í brekkunni.

Sá á samfélagsmiðlum að einhverjir typpalingar úr sama kór voru að uppnefna Magnús Kjartan sem leikskólasöngvara. Skil ekki alveg hvað þeir eru að tala um. Halda þeir virkilega að Bingó fái að stíga aftur á svið í Herjólfsdal sem brekkusöngvari?

Úr sama ranni kemur söngurinn: „bara nafnlausar ásakanir frá einhverjum óánægðum konum út í bæ.“ Allt í lagi, en þær sögðu flestar það sama um rekkjubrögð hans. Að hann hafi beðið þær um að þegja og liggja grafkyrrar meðan hann væri að klára (nágirnd; e: necrophilia). Sofnaði meira að segja ofan á sumum. Mynstur sem styður nafnlausar frásagnir úr ólíkum áttum.

En allt í lagi. Kannski óþarfi að taka manninn af lífi og svipta hann lifibrauðinu. En svona er nú bara heimurinn eftir #metoo. Frægir menn með vafasama kynhegðun fá á baukinn. Stundum löngu eftir að þeir virðast hafa tekið sig á og hætt að eltast við stelpur úr gaggó eftir tónleika.

Fyndnast finnst mér þó allt fólkið sem ver svona hegðun út yfir gröf og dauða. Eins og það sé bara eðlilegt að maður á fertugsaldri sé að veiða stúlkur á aldursbilinu 14-16 ára upp í bílinn sinn eftir tónleika til að hafa við þær kynmök. Logi Bergmann hékk þó að minnsta kosti bara fyrir utan menntaskólaböll í sportbílnum sínum. Ekki að það hafi verið eitthvað mikið skárra.

Kórinn er vitaskuld af sama bergi brotinn. Typpalingar sem telja það til réttar síns að halda framhjá með barnungum stúlkum fram til dauðadags því þeir séu svo mikil karlmenni. Og skilja svo ekkert yfir hverju fólk er að röfla.