þar er eldur. Eitthvað sem fótboltabullur og kallakallar þessa lands mættu íhuga þegar kappinn kemur loks heim frá landi Engla og Saxa eftir tveggja ára farbann sem hann sætti vegna rannsóknar á mögulegum brotum hans gegn ólögráða einstakling(um).

Hálf aumkunarvert að fylgjast með landanum vorkenna manninum. Getur alveg verið sekur þó talið sé að sekt verði ekki sönnuð fyrir dómstólum. Færð varla tveggja ára farbann út á orðróm. Einhver(jar) steig/stigu fram. Vorkennið frekar þolendum sem þurfa að bíða eins lengi, ef ekki lengur eftir niðurstöðu í sínum málum.

En það skiptir íslenska bolinn engu máli. Verða sennilega haldnir tónleikar honum til heiðurs í Háskólabíó með úrvali af misskildum tónlistarmönnum og vinum þeirra. Enginn er settur út á gaddinn á Ísalandi hinu góða, nema þá helst ungar konur sem lenda í svona úlfum og er svo ekki trúað.

Að vera fimmtugur einstæðingur án hugmyndaflugs er slæmt fyrir mallakútinn. Að grípa það sem er hendi næst og fljóteldað gerir mér ekki gott. SS pylsur úr búð eru drasl. Voru það ekki, en eru það núna. Goði er betri, en bestar eru þær á Bæjarins Bestu.

Allt er orðið svo dýrt að ég neyðist til að græja nestið sjálfur í stað þess að kaupa rándýrar Sómasamlokur. Er haldinn matarást á vinnufélögum mínum sem mæta með girnilega matarafganga að heiman í hádegisverðinn. Hlýt að geta slíkt sjálfur og lækkað matarkostnaðinn umtalsvert.

Og hætta að innbyrða rusl.

Sem farþegi með Strætisvögnum Kópavogs (SVK), Strætisvögnum Reykjavíkur (SVR) og nú Strætó sf., þá er ég svartsýnn á framtíð almenningssamgangna á höfuðborgarsvæðinu.

90% bílstjóra eru af erlendu bergi brotinn. 80% farþega eru frá öðrum löndum. Ég heyri nær aldrei íslenska tungu mælta á ferðum mínum nema hjá unglingum án bílprófs. Enginn á heyrnartól og allir eru með hátalarann á símanum sínum á hæsta styrk.

Vagnarnir eru úr sér gengnir og enn verri hjá verktökunum. Allt er í biðstöðu eftir hinni svokölluðu Borgarlínu. Miðlægri leið sem þú þarft að þramma langar leiðir til að ná á leið þinni til vinnu.

Borgaryfirvöld og bæjaryfirvöld á höfuðborgarsvæðinu eru að ýta vandanum á undan sér upp brekku í þeirri von að hann leysist af sjálfum sér með aukinni bílaeign og hlaupahjólum.

Og þar sem að neytendurnir eru að meirihluta af erlendu bergi brotnir, þá verður ekkert gert til að bæta almenningssamgöngur höfuðborgarsvæðisins.